Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Ua Maua le JW.ORG i le Silia ma le 300 Gagana!

Ua Maua le JW.ORG i le Silia ma le 300 Gagana!

Pe afai e te asiasi i le upega tafaʻilagi o le jw.org, o le a e maua ai se lisi ua faailoa mai ai ua maua lenei upega tafaʻilagi i le silia ma le 300 gagana, ma o se tulaga lea e lē masani ai mo isi upega tafaʻilagi.

E faapefea ona faatusatusa atu lenei fuainumera i isi upega tafaʻilagi lauiloa? Ia mātau: Iā Iulai 2013, na maua ai le upega tafaʻilagi a Malo Aufaatasi i gagana e ono. O le upega tafaʻilagi aloaʻia a le Iuni a Europa e maua i le 24 gagana, o le google e 71 gagana, ma le lomifefiloi o le Wikipedia i le 287 gagana.

E tele galuega ma le taimi e alu e faaliliu ai se upega tafaʻilagi i gagana e silia ma le 300. O lenei galuega o loo faia e le faitau selau o Molimau a Ieova i le lalolagi aoao o loo mananaʻo e avatu le viiga iā Ieova. I gagana taʻitasi, e latou te galulue i ni vaega lāiti ua faamaopoopoina, ma e faaaogā o latou tomai e faaliliu mai ai manatu o loo i le gagana Peretania.

E tele itulau o faamatalaga o loo iai i le jw.org, ma ua faaliliuina i le silia ma le 300 gagana. O lea, e silia i le 200,000 le aofaʻiga o itulau o faamatalaga o loo iai, ma e maoaʻe lenā tulaga.

E lē gata i le tele o gagana ua faaliliu ai le jw.org, ae ua lauiloa foʻi. E faamaonia lenā manatu pe a fua i le faatulagaina o upega tafaʻilagi e le Alexa, o se kamupani e iloiloina le tele e faaaogāina ai le Initaneti i le lalolagi aoao. E iai se vaega o la latou saʻiliʻiliga ua faavasegaina o “Lotu ma le Faaleagaga,” ma e iai se lisi e pe ā ma le 87,000 o upega tafaʻilagi, e aofia ai upega tafaʻilagi a lotu autū o le lalolagi faapea tagata lotu ma isi faalapotopotoga lāiti faalelotu. E tusa ai o lenā lisi, iā Iulai 2013, na tulaʻi mai ai le jw.org i le tulaga lona lua! O le upega tafaʻilagi o loo i le tulaga muamua, e mafai ai e tagata ona maua ma faitau i le Initaneti i isi faaliliuga eseese o le Tusi Paia.

Iā Oketopa 2013, i se fua faatatau e silia ma le 890,000 i latou e asiasi atu i le jw.org i aso taʻitasi. O le a faaauau pea ona matou saunia faamatalaga aogā mai i le Tusi Paia e aunoa ma se totogi, mo tagata i so o se mea.

Faitau Atili

E Faapefea Ona Tusia ma Faaliliuina Lomiga a Molimau a Ieova?

E matou te saunia lomiga i le silia i le 700 gagana. Aiseā e matou te faia ai nei taumafaiga e tele?