Alu i mataupu o loo iai

Vaega 9 o Ata Mai Peretania (Setema 2019 iā Fepuari 2020)

Vaega 9 o Ata Mai Peretania (Setema 2019 iā Fepuari 2020)

I lenei vaega o ata, o le a e vaaia ai le auala na faataunuuina ai galuega faufale, i le ofisa o le lālā o Molimau a Ieova i Peretania ma le auala ua faaaogāina ai lenei fale mai iā Setema 2019 iā Fepuari 2020.

  1. Fale i le Itu i Mātū (Saunia o Vitiō)

  2. Fale i le Itu i Saute (Galuega Faaleleia ma Auaunaga)

  3. Fale mo Ofisa

  4. Fale A

  5. Fale B

  6. Fale C

  7. Fale D

  8. Fale E

  9. Fale F

Setema 10, 2019—Fale mo Ofisa

O loo solofa e le vaega e teuina le fanua le palapala e sauniuni ai mo le totōina o le vao. O loo iloa atu le Fale A ma le Fale B i tua atu.

Setema 19, 2019—Fale mo Ofisa

O se vai o loo i tua o le Fale mo Ofisa. O lenei vai ma isi vai o loo i Chelmsford o loo faia aʻe ai se alāvai faapitoa e faatafe ai le vai. O lenā faiga o le a faaleleia ai le tafe o le vai, faaitiitia ai tafega ma faaleleia ai le siʻosiʻomaga mo tagata ma manu.

Setema 19, 2019—Fale mo Ofisa

O loo faapipii e se ulugalii e iai i le vaega o le ʻaukamuta puipui o se ofisa fou.

Oketopa 14, 2019—Fale A

O loo faapipii e se sui o le vaega e tusiaina ata se faailoilo i le faitotoʻa o le fale fai ulu e ala i le faaaogāina o le laser.

Oketopa 28, 2019—Nofoaga o loo iai le lālā

O se kamuta o loo faapipii faailoilo e ala i le faaaogāina o le fua vai. O faailoilo o loo i auala savali e faailoa atu ai i tagata e nonofo i nei nofoaga ma tagata asiasi mai le mea e agaʻi i ai i le 34 eka (85 ac)

Novema 4, 2019—Fale Puʻeleo i le Itu i Mātū

O se sui o le ofisa o tinei mū i lenā vaipanoa o loo ia siakiina le malosi o le vai mai i se paipa e faaaogā e le ʻau fuimū.

Novema 14, 2019—Fale mo Ofisa

O se sui o le Komiti mo Galuega Faugāfale o loo faia le mau o le taeao. O lenei polokalame na faaalia foʻi i le aiga Peteli i Lonetona e ala i le Initaneti.

Novema 19, 2019—Fale Puʻeleo i le Itu i Mātū

O se tagata fai eletise o loo faapipii molī faasinoala i le mea e ulufale atu ai.

Novema 19, 2019—Fale Autū mo Galuega Fesoasoani

O loo ilo ese e le ʻaufaigaluega uaea e faia mai i le kopa mo le toe faaaogāina.

Novema 25, 2019—Fale Autū mo Galuega Fesoasoani

I le Nofoaga Autū mo Tagata Asiasi, o loo faamatala ai e se tagata e taʻitaʻia le matamataga foliga o le galuega atoa. E silia ma le 95,000 tagata na asiasi mai a o faagasolo le galuega.

Tesema 5, 2019—Fale mo Ofisa

O se sui o le Komiti o le Lālā i Peretania o loo faia sana lauga i le ʻau faufale, i la latou fono mulimuli o le masina a o leʻi faaaogāina e Matagaluega o le Peteli le fale. E silia ma le 11,000 i latou na tauofo lo latou taimi ma le malosi i lenei galuega.

Tesema 10, 2019—Fale Puʻeleo i le Itu i Mātū

O loo toleni le Vaega e Puʻeina Vitiō mo Tauaofiaga ma le Matagaluega o le TV i le Initaneti i lenā vaipanoa, i le auala e faaaogā ai uʻamea o le fale puʻeleo fou. O le toʻatele o le ʻaufaigaluega o loo ufiufi o latou seevae i pepa iila lanu moana, e ʻalofia ai le faaleagaina o vaega ua māeʻa o le galuega.

Tesema 30, 2019—Fale mo Ofisa

O loo faatumu e tagata faigaluega va o piliki i le oneone e faauma ai le auala taavale lea e agaʻi atu i Fale mo Ofisa.

Ianuari 16, 2020—Fale Puʻeleo i le Itu i Saute

O loo faaleleia e se inisinia se veni i le fale taavale fou. Talu ai ua iai uma fale o le lālā i se nofoaga e tasi, ua lē toe manaʻomia la e le aiga Peteli ni veni e ō ai i le galuega. Ua mafai nei ona faatau ese nei taavale e lē o toe faaaogāina. I tua atu, o loo iai se loli e faaaogā e le vaega e gafa ma Galuega Faaleleia i le Fanua.

Ianuari 29, 2020—Fale D

O loo laʻu ese e ni tama se toʻalua meatotino a tagata Peteli. E toʻa 27 i latou na fesoasoani i tagata Peteli ina ua siitia mai iā Ianuari ma Fepuari. E oo ane i le amataga o Mati, ua faaaogā e sui uma o le aiga Peteli le fale.

Fepuari 6, 2020—Fale mo Ofisa

O loo galulue le ʻaufaigaluega i le umukuka e saunia le salati mo le aiga Peteli.

Fepuari 7, 2020—Fale Autū mo Galuega Fesoasoani

O se fale lē tumau ua aveese ina ua taulia. A o faia le galuega, na savavali tagata na nonofo i nei fale lē tumau i le mea o loo iai le lālā fou. O nei fale lē tumau o se vaega o le fuafuaga e faaitiitia ai le kaponi i le auala savali. O nei fuafuaga e fou ma ua uma ona faamaonia e i latou e pasi fale. I tua atu o loo iai fale e nonofo ai tagata Peteli.

Fepuari 14, 2020—Fale mo Ofisa

O loo faapipii e sui o le Matagaluega Faaliliu se potu puʻeleo. O nei meafaigaluega e tutusa ma meafaigaluega i totonu o vaega taʻitasi o le matagaluega faaliliu, ma ua maua foʻi e i latou e tautatala i isi gagana o loo iai i le vaavaaiga a le lālā o Peretania e pei o le faa-Aialani ma le faa-Sikotilani Gaelic.

Fepuari 24, 2020—Fale mo Ofisa

O se uso i le LDC o loo talanoa ma se uso e galue i le fanua a le itu i saute i sasaʻe o Egelani. E fesootaʻi e lē aunoa lenei uso i le lālā e talanoa i galuega ma le toe faaleleia o Maota mo Sauniga. I tua atu, o loo talanoa ai isi sui o le matagaluega i le auala e faasau ai le ʻea i totonu o Maota mo Sauniga ua toe faaleleia ma maota fou.

Fepuari 25, 2020—Fale mo Ofisa

O le ʻaufaigaluega tausāvali fou ua taunuu i le ofisa, a o leʻi auai atu i le fono e faafeiloaʻia ai i latou ma faailoa atu i ai matagaluega o le a galulue ai. Ina ua amata le galuega i le lālā i Peretania mai i Chelmsford, e toetoe 500 le ʻau galulue tausāvali na fesoasoani i le aiga Peteli. I tua atu, o loo faataʻitaʻi e ni uso e galulue i masini faaonapōnei TV ia e faaaogā i maimoaga a tagata asiasi.