Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Vaega 1 o Ata Mai i Warwick (Me iā Aokuso 2014)

Vaega 1 o Ata Mai i Warwick (Me iā Aokuso 2014)

O loo fausia e Molimau a Ieova lo latou ofisa ulu mo le lumanaʻi i Warwick, i Niu Ioka. E amata mai iā Me faasolo iā Aokuso 2014, e mataʻina se suiga ua faia e le ʻaufaigaluega i le Fale Inisinia mo Taavale, Fale mo Ofisa o Matagaluega Eseese/Matagaluega Lagolago, ma fale e nonofo ai ia e faaigoa o le C ma le D. O lenei vaega o ata o loo faaalia ai galuega na faia i lenā vaitaimi pisi.

Ata o galuega ua māeʻa i Warwick. Amata mai i le itu agavale i luga:

  1. Fale Inisinia mo Taavale

  2. Fale e Paka ai Taavale a Tagata e Asiasi Atu

  3. Fale mo Galuega Faaleleia/Paka o Taavale a Ē e Nonofo i Lea Nofoaga

  4. Fale B

  5. Fale D

  6. Fale C

  7. Fale A

  8. Fale mo Ofisa o Matagaluega Eseese/Matagaluega Lagolago

Me 1, 2014—Se vaaiga i Warwick

Se vaaiga mai i le tulimanu i saute i sisifo agaʻi atu i le itu i mātū i le vaituloto o le Sterling Forest (Blue Lake). I le pito i luma o loo faagasolo ai galuega mo le vaega pito i lalo o le Fale D. I le pito e lata i le vaituloto o loo saunia ai simā mo le Fale C.

Me 14, 2014—Le Nofoaga o Loo Muaʻi Fau ai Isi Vaega o le Fale

O loo tuufaatasi e le ʻaufaigaluega fale taʻele mo fale e nonofo ai, e na ona avatu lava faapipii loa. O loo faapipii ai auivi, puipui, vaega mo le palama, eletise, le alāʻea ma le paipa. E māeʻa ona fausia le fale taʻele pe afai e faapipii i le vaega tonu o le fale e iai le fale taʻele.

Me 22, 2014—Fale Inisinia mo Taavale

O loo galulue palama i le vaega pito i lalo o le fale. A o faagasolo le galuega o le a faaaogā lenei vaega e fai ma potu ʻai mo le ʻaufaigaluega e 500, ma o isi vaega o le fale o le a faaaogā e aai ai le isi toʻa 300. Pe a lata ina māeʻa le galuega, o le a toe aveese potu ʻai ae faauma le fale ina ia faaaogā e inisinia ai taavale.

Iuni 2, 2014—Fale Inisinia mo Taavale

O loo fola e le ʻaufaigaluega se palapala faapitoa i le pito i luga o le fale ina ia totō ai le vao ma ni laau. O lenei auala e fesoasoani i le siʻosiʻomaga e ala i le faaitiitia o le malosiaga e manaʻomia, faaitiitia ai le tafe i lalo o vai mai i timuga tetele, ma faamamā ai le polusione mai i le timu.

Iuni 5, 2014—Fale mo Ofisa o Matagaluega Eseese/Matagaluega Lagolago

O lenei fale e faia aʻe i ni fale se tolu e fesootaʻi faatasi, lea e 42,000 mita faatafafā (450,000 futu faatafafā) le telē o le fola pe a tuufaatasi. I le ata, o loo galulue le ʻaufaigaluega a se kamupani e matuā faamalosi uʻamea mo pou o le fale.

Iuni 18, 2014—Fale Inisinia mo Taavale

O loo faaaogā se ituaiga uelo e faapipii ai le paʻu i le pito i luga o le fale. O loo fusi o la tino i ni maea e puipui ai i laʻua mai i le paʻuʻū.

Iuni 24, 2014—Fale C

O loo faapipii mea e faaalu ai le ʻea māfanafana, alāʻea ma le ʻea mālūlū. E pe ā ma le 35 pasene o Molimau a Ieova o loo galulue i le galuega i Warwick o tamaʻitaʻi.

Iulai 11, 2014-Montgomery, Niu Ioka

O lenei fale na faaaogā e fai ma fale e teu ai mea mo le galuega ma fau ai isi vaega o le fale ia e na o le avatu loa lava faapipii. Na amata ona faaaogā mai lea fale iā Fepuari 2014 ina ia fesoasoani i le galuega. O le telē o le fale e 20,000 mita faatafafā (220,000 futu faatafafā). O mea papaʻe i le tulimanu i le itu taumatau o le ata, o fale taʻele ia o le a laʻu atu i Warwick.

Iulai 24, 2014—Fale C

O le pito i luma i le tulimanu i le itu i mātū i sasaʻe o le fale. E pe ā ma le 200 sui o le ʻaufaigaluega i le ofisa ulu o le a nonofo i lenei fale. O le tetelē o potu e i le va o le 30 ma le 55 mita faatafafā (350 ma le 600 futu faatafafā) ma e iai le umukuka, fale taʻele, ma se tamaʻi faapaologa.

Iulai 25, 2014—Fale mo Galuega Faaleleia/Paka o Taavale a Ē e Nonofo i Lea Nofoaga

O loo saunia lenei vaega o le fanua mo le galuega. I le pito i luga i le itu agavale o le ata, o loo vili ai maa ma faaputu e toe faaaogā mo le galuega. E oo ane i le taimi e uma ai le galuega atoa, e pe ā ma le 260,000 kupita mita (340,000 kupita iata) o le palapala ua aveesea mai i Warwick i le mea o loo faia ai le galuega. I se fua faatatau e 23 loli laʻu palapala e faaaogā i le aso.

Iulai 30, 2014—Fale Inisinia mo Taavale

O loo totō le vao ma laau i le pito i luga o le fale.

Aokuso 8, 2014—Se Vaaiga i Warwick

Se vaaiga mai i le tumutumu o se silini agaʻi i le itu i saute i sisifo o le fale e iai ofisa. I le itu agavale pito i lalo o loo iai le Fale e Paka ai Taavale a Tagata e Asiasi Atu, ma e tumu i aso taʻitasi i taavale a le ʻaugalulue. O nisi Molimau a Ieova e ō mai i taavale mo le 12 itula ina ia galulue tauofo mo le na o le tolu i le fā aso.

Aokuso 13, 2014—Fale Inisinia mo Taavale

Ua toeitiiti uma le galuega i le potu ʻai lē tumau. O le a faapipii ni televise ma sipika i luga ina ia faalogologo atu ai le ʻaufaigaluega i mau i le taeao, ma isi polokalame faaleagaga mai i le ofisa o le lālā i Amerika.

Aokuso 14, 2014—Fale mo Ofisa o Matagaluega Eseese/Matagaluega Lagolago

O loo fola le simā o le fogāfale muamua. I le itu taumatau, o loo faaaogā e se tasi o le ʻaufaigaluega se masini e faamautinoa ai e lē o ʻōʻō le simā ae ua malosi ma maopoopo lelei.

Aokuso 14, 2014—Fale mo Ofisa o Matagaluega Eseese/Matagaluega Lagolago

O le vaega i le ogatotonu o le fale e taʻi uma atu ai uaea eletise, ma o le a ufiufi i le simā.

Aokuso 14, 2014—Fale mo Ofisa o Matagaluega Eseese/Matagaluega Lagolago

Ua toeitiiti uma le simā o le fogāfale muamua. O le simā aupito i telē lea talu ona amata le galuega i Warwick, e 540 kupita mita (700 kupita iata). Na palu lenei simā i le vaega o loo fai mai ai le simā mo le galuega, ona faaaogā lea o loli simā e valu e laʻu mai ai, ona pamu mai lea i loli pamu simā e lua, ma e 5 1⁄2 itula na pamu mai ai lenei simā. I le ogatotonu o le ata o loo iai le vaega mo le faasitepu i isi fogāfale o le fale.

Aokuso 14, 2014—Fale C

O loo fai le puipui e siʻo ai le pito i luga o le fale. I tua atu o le ata o loo amata ai galuega mo le fola pito i lalo o le fale A.

Aokuso 15, 2014—Fale C

O loo sisi aʻe i le fogāfale tolu se fale taʻele ua uma ona tuufaatasi ma e na o le avatu lava faapipii loa. O le tele o le galuega i Warwick e faaaogā ai mea ua uma ona tuufaatasia, e faaitiitia ai le feomaʻi ma e lelei mo galuega e iai se taimi faatulagaina e māeʻa ai.

Aokuso 20, 2014—Fale C

O loo faapipii e le ʻaufaigaluega a se kamupani puipui simā o le fale. Ua uma ona vali le simā, e lē tau manaʻomia la ona vali ma e itiiti ni galuega faaleleia e toe fai iai. E mafai ona vave faapipii ma o le a fesoasoani e faamāeʻa ai le galuega i le taimi faatulagaina.

Aokuso 31, 2014—Se Vaaiga i Warwick

Se vaaiga mai i le tulimanu i le itu i saute i sisifo. I le pito i luma, o loo fau ai le isi fogāfale mo le fale D, ae i tua atu, ua toeitiiti uma ona fai le faavae o le fale C.