Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

E 3,000 Maota mo Sauniga ua Fausia i Nigeria

E 3,000 Maota mo Sauniga ua Fausia i Nigeria

I le Aso Toonaʻi, Mati 1, 2014, na faapotopoto ai ma le fiafia se aofia e toʻa 823 i le Maota Fono o Molimau a Ieova i le aai o Benin, ina ia faailoga se matatiʻa iloga i Nigeria. Talu mai le 1999, ina ua amata le faatulagaga mo le fausia o Maota mo Sauniga i atunuu e itiiti le tamaoaiga, e 3,000 Maota mo Sauniga ua fausia e Molimau a Ieova i lenā atunuu.

Taimi Muamua

Na faamatala i lea sauniga se talaaga puupuu o galuega na aofia ai i le saunia o nofoaga mo sauniga a faapotopotoga i Nigeria, talu mai vaitausaga o le 1920. I le amataga sa faaaogā fale o aiga ma fale tetele na totogi. O le faamaumauga lata mai o se fale na faaaogā mo sauniga a Molimau a Ieova i Nigeria, o se maota na latou fausia i le aai o Ilesa i le pe tusa o le 1935. I le va o le 1938 ma le 1990, na faatupulaʻia ai le aofaʻi o faapotopotoga i le toetoe 200 taimi, mai i le 14 i le 2,681, ma o le tele o faapotopotoga na tau saʻili ni nofoaga e fai ai a latou sauniga. O nisi Maota mo Sauniga sa faaaogā e faapotopotoga e ono. O isi maota na lē ofi uma ai tagata, ma na tūtū mai i fafo isi i autafa o faamalama ma faalogologo mai i sauniga. A o le tele o isi faapotopotoga sa fai pea a latou sauniga i fale o aiga ma faleaʻoga.

Taimi Nei

I le 1990, na amata ai ona lagolagoina e le ofisa o le lālā a Molimau a Ieova le fausiaina o maota, e ala i nonogatupe mai i le Faaputuga Tupe mo Maota mo Sauniga. E oo ane i le 1997, ua 105 faapotopotoga ua fesoasoani i ai le Komiti o Faugāfale o le Vaipanoa ina ia fausia pe toe faaleleia o latou maota. Mai i le 1997 i le 1999, e 13 maota na fausia ma e taʻi 7 i le 15 aso na fausia māeʻa ai.

E ui i le televave o nei galuega faugāfale, peitaʻi e lē ōgatusa lava ma le faatelega o le aofaʻi o Molimau o Ieova i Nigeria. Iā Aperila 1998, na taʻua ai i se fuafaatatau mai i le ofisa o le lālā, e 1,114 Maota mo Sauniga na manaʻomia i lenā atunuu.

I le sauniga faapitoa lea na faia i le aai o Benin, na faapea atu ai Don Trost, o se sui o le Komiti o le Lālā o Nigeria i le aofia: “O se galuega e telē tele! Na matou taumānatu, ‘Po o le a faapefea ona matou faataunuu lenei galuega?’” Na amata ona tali lenā fesili i le 1999, ina ua fesoasoani Vaega e Fausiaina Maota o le Malo ia e toʻaono i le toʻavalu i latou e faia aʻe ai, i faapotopotoga i le atunuu atoa. Na faaaogā fausaga faigofie ma i se fua faatatau, e 17 maota na latou fausia i masina taʻitasi mo le 14 tausaga ua mavae.

Ina ua uma ona faamālō atu le uso o Don i le aofia mo galuega ua faataunuuina, na ia faapea atu o loo tele pea galuega e manaʻomia ona fai. I le 2013, na faatuputeleina ai le aofaʻi o Molimau a Ieova i Nigeria i le silia i le 8,000. Na ia taʻua: “Ina ia talafeagai ma le faatelega i le lumanaʻi, e 100 nisi Maota mo Sauniga o le a manaʻomia i tausaga taʻitasi.” I le 2013, sa iai se tumutumuga i Nigeria, e 351,000 Molimau a Ieova, ae silia i le 5,700 faapotopotoga.

Faitau Atili

Aiseā ma e Faapefea Ona Fausia Maota mo Sauniga a Molimau a Ieova?

Aiseā ua ta‘ua ai nofoaga mo la matou tapua‘iga o Maota mo Sauniga? A‘oa‘o atili pe faapefea i nei nofoaga ona aogā i a matou faapotopotoga.

Aiseā e Taʻua ai e Molimau a Ieova Fale e Tapuaʻi ai o le “Maota mo Sauniga”?

Ia faitau po o fea e tupuga mai ai le faaupuga “Maota mo Sauniga” a Molimau a Ieova, ma aiseā ua matou faaaogāina ai.