Skip to content

Skip to secondary menu

Molimau a Ieova

Faa-Samoa

Pe e Talitonu Molimau a Ieova iā Iesu?

Pe e Talitonu Molimau a Ieova iā Iesu?

Ioe. E matou te talitonu iā Iesu o lē na fetalai: “O aʻu o le ala, o le upu moni ma le ola. E leai se tasi e alu atu i le Tamā pe a lē ui mai iā te aʻu.” (Ioane 14:6) E matou te talitonu na afio mai Iesu mai i le lagi i le lalolagi, ma foaʻi lona ola lelei atoatoa o se taulaga togiola. (Mataio 20:28) O lona maliu ma lona toetū ua mafai ai e i latou e faaalia le faatuatua iā te ia ona maua le ola e faavavau. (Ioane 3:16) E matou te talitonu foʻi o loo pule Iesu o se Tupu i le Malo o le Atua i le lagi, lea e lē o toe umi ona aumaia lea o le filemu i le lalolagi atoa. (Faaaliga 11:15) Peitaʻi, e matou te faatuatuaina fetalaiga a Iesu ina ua ia faapea mai: “E sili le Tamā iā te aʻu.” (Ioane 14:28) O lea, e matou te lē tapuaʻi ai iā Iesu, talu ai e matou te talitonu e lē o ia o le Atua o Lē e ona le malosi uma lava.

 

Faitau Atili

TALA LELEI MAI I LE ATUA!

O ai Iesu Keriso?

Iloilo pe aiseā na maliu ai Iesu, o le ā le togiola, ma le tulaga o Iesu i le taimi nei.