Skip to content

Po o Molimau a Ieova o se Lotu Māvae?

Po o Molimau a Ieova o se Lotu Māvae?

E leai, o Molimau a Ieova e lē o se lotu māvae. Nai lo o lea, o i matou o ni Kerisiano o ē e faia le mea sili e mulimuli ai i le faaaʻoaʻoga na faataatia e Iesu Keriso, ma ola e ōgatusa ma ana aʻoaʻoga.

O le a le lotu māvae?

E eseese manatu o tagata e tusa ai o le uiga o le faaupuga “lotu māvae.” Peitaʻi, seʻi iloilo ni manatu masani se lua e faatatau i lotu māvae, ma le māfuaaga e lē faatatau mai ai na manatu iā i matou.

  • E manatu nisi o le lotu māvae o se lotu fou po o se lotu e ese mai i lotu faa-Kerisiano. E leʻi amataina e Molimau a Ieova se lotu fou. Peitaʻi, e matou te mulimuli i le auala na tapuaʻi ai Kerisiano o le uluaʻi senituri, o ē o loo faamauina i le Tusi Paia a latou faaaʻoaʻoga ma aʻoaʻoga. (2 Timoteo 3:​16, 17) E matou te talitonu e tatau ona faavae mai i Tusitusiga Paia taʻiala i le auala e tatau ona tapuaʻi ai.

  • E manatu nisi o le lotu māvae o se lotu e iai aafiaga lē lelei, ma e iai so latou taʻitaʻi faaletagata. E lē taulaʻi Molimau a Ieova i se tagata e avea ma o latou taʻitaʻi. Nai lo o lea, e matou te mulimuli i le tapulaa ua faataatia e Iesu mo ona soo ina ua ia fetalai: “E toʻatasi lo outou Taʻitaʻi o le Keriso lea.”​—⁠Mataio 23:10.

I le lē avea ai o Molimau a Ieova o se lotu māvae e iai aafiaga lē lelei, e latou te faia gaoioiga e aogā mo i latou lava ma isi tagata lautele. O se faataʻitaʻiga, ua fesoasoani la matou faiva i le toʻatele e pulea ai masaniga leaga, e pei o le faaaogā o fualaau faasāina ma le lē pulea o le faaaogāina o le ʻava malosi. E lē gata i lea, e matou te faia foʻi toleniga i le lalolagi atoa lea e fesoasoani ai i le faitau afe e iloa faitau ma tusitusi. E faia foʻi so matou sao atoatoa i galuega fesoasoani i taimi o mala. E matou te faia taumafaiga uma ina ia iai se aafiaga lelei i isi, e pei ona faatonuina e Iesu ona soo e fai.​—⁠Mataio 5:​13-​16.