Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Po o Molimau a Ieova o ni Kerisiano?

Po o Molimau a Ieova o ni Kerisiano?

Ioe. O māfuaaga nei e faapea atu ai o i matou o Kerisiano:

  • E matou te taumafai e mulimulituʻi i aʻoaʻoga ma le auala na soifua ai Iesu Keriso.—1 Peteru 2:21.

  • E matou te talitonu o Iesu o le auala lea e maua ai le faaolataga, ma “e leai se isi igoa i lalo o le lagi ua tuuina mai e le Atua i tagata, e tatau ona faaolaina ai i tatou.”—Galuega 4:12.

  • Pe a avea se tasi ma Molimau a Ieova, e papatisoina o ia i le suafa o Iesu.—Mataio 28:18, 19.

  • E auala atu a matou tatalo i le suafa o Iesu.—Ioane 15:16.

  • E matou te talitonu o Iesu o le Ulu, po o lē ua tofia e avea ma pule i tagata uma.—1 Korinito 11:3.

Peitaʻi, e tele foʻi māfuaaga e faapea atu ai e ese i matou mai i isi lotu e faapea mai o Kerisiano. O se faataʻitaʻiga, e matou te talitonu o loo aʻoaʻo mai i le Tusi Paia o Iesu o le Alo o le Atua, ae e lē o se vaega o le Tolutasi. (Mareko 12:29; Mataio 16:16) E matou te lē talitonu e iai se vaega o le tagata e ola pea pe a oti, pe e tatau ona iai ni taʻu faapitoa e avatu i taʻitaʻi lotu ina ia faasilisilia ai i latou nai lo o isi. E matou te talitonu foʻi, e leai se faavae faale-Tusi Paia o le aʻoaʻoga e faapuapuagatia e le Atua tagata i se afi e faavavau.—Failauga 9:5; Esekielu 18:4; Mataio 23:8-10.