Skip to content

Skip to secondary menu

Molimau a Ieova

Faa-Samoa

Aiseā e Talaʻi ai Molimau a Ieova i Tagata ua Iai a Latou Lotu?

Aiseā e Talaʻi ai Molimau a Ieova i Tagata ua Iai a Latou Lotu?

Ua matou mātauina e toʻatele tagata o loo iai a latou lotu, e fiafia e talatalanoa i mataupu faale-Tusi Paia. E matou te amanaʻia aiā a tagata e talitonu ai i se aʻoaʻoga e ese mai i o matou talitonuga, ma e matou te lē faamalosia i latou e talia la matou feʻau.

Pe a talanoa e faatatau i tapuaʻiga, e matou te taumafai e faatatau le fautuaga a le Tusi Paia ina ia faia faapea i le “agamalu” ma le “matuā faaaloalo” i le isi tagata. (1 Peteru 3:15) E matou te faatalitalia o le a teena e isi le feʻau o loo matou talaʻia atu. (Mataio 10:14) Peitaʻi, e lē mafai ona matou iloa le auala o le a tali mai ai tagata, seʻi vaganā ua matou talaʻi i ai. E matou te iloa foʻi, e iai taimi o le a suia ai le tulaga o mea mo nisi o tagata.

O se faataʻitaʻiga, atonu e iai se tagata e matou te talaʻi i ai ae o loo matuā pisi i lenā aso, ma e fiafia e talanoa mai pe a oo i se isi taimi. E ono feagai nisi o tagata ma ni faafitauli fou po o ni tulaga foʻi e manaʻomia ona taulimaina, ma e ono iʻu ai i lo latou faaalia o le naunau i le feʻau a le Tusi Paia. O le māfuaaga lea, e matou te taumafai malosi ai e talaʻi atu pea i tagata.