Skip to content

Skip to secondary menu

Molimau a Ieova

Faa-Samoa

E Faapefea Ona Faatupe le Galuega a Molimau a Ieova?

E Faapefea Ona Faatupe le Galuega a Molimau a Ieova?

E faatupeina la matou galuega talaʻi i foaʻi tauofo mai i Molimau a Ieova. E lē aoina ni peleti i a matou sauniga, ma e lē manaʻomia ona faia ni i a matou sefuluaʻi. (Mataio 10:7, 8) Nai lo o lea, e iai pusa mo meaalofa i a matou Maota mo Sauniga e tuu i ai foaʻi tautupe a le tagata, pe a finagalo iai. E lē faailoaina suafa o i latou e faia nei foaʻi.

O se tasi o māfuaaga ua mafai ai ona faaitiitia tupe faaalu, ona e lē totogia a matou faifeʻau. E lē gata i lea, e lē totogiina foʻi Molimau a Ieova ina ia talaʻi mai i lea fale i lea fale, ma e faigofie fausaga o nofoaga mo a matou tapuaʻiga.

O so o se foaʻi e lafoina atu i ofisa o lālā a Molimau a Ieova, e faaaogā ina ia fesoasoani ai i ē e aafia i mala faalenatura, lagolagoina ai a matou misionare ma ovasia femalagaaʻi, fesoasoani i le fausia o a matou maota mo tapuaʻiga i atunuu tauatiaʻe, ma lolomiina ma felaʻuaʻi ai i luga o vaa ia Tusi Paia ma isi lomiga faa-Kerisiano.

E filifili e le tagata lava ia pe e manaʻo e faia se foaʻi tautupe ina ia lagolagoina ai tupe o loo faaalu mo lo matou galuega i le vaipanoa o loo nofo ai, le galuega i le lalolagi atoa, po o vala uma nei e lua. E saunia e lē aunoa e faapotopotoga uma ia lipoti o teugātupe, auā le nofo silafia o tagata i le faapotopotoga i mea o loo faaalu ai tupe.

Faitau Atili

LE OLOMATAMATA (LOMIGA MO SU‘ESU‘EGA)

“O le Galuega e Telē”

Ua e maua le faaeaga o le lagolagoina o lenei galuega.

LE OLOMATAMATA (LOMIGA MO SU‘ESU‘EGA)

Ia Talisapaia le Aao Mafola o Ieova

O loo faailoa mai i le Tusi Paia uunaʻiga saʻo ma uunaʻiga sesē e foaʻi ai o tatou taimi, malosi ma meafaitino.