Skip to content

Skip to secondary menu

Molimau a Ieova

Faa-Samoa

E Faapefea Ona Avea Aʻu o se Tasi o Molimau a Ieova?

E Faapefea Ona Avea Aʻu o se Tasi o Molimau a Ieova?

O loo faamatalaina e Iesu i le Mataio 28:19, 20 laasaga e manaʻomia ina ia avea ai se tasi o se Molimau a Ieova. O loo taaofaʻi mai ai mea e manaʻomia ona faia e se tasi ina ia avea o se soo o Keriso, lea e aofia ai le talanoa pe molimau atu e faatatau iā Ieova.

Laasaga 1: Ia iloa aʻoaʻoga a le Tusi Paia. Na faatonuina e Iesu ona soo ina ia ‘fai tagata ma soo ma ia aʻoaʻoina i latou.’ (Mataio 28:19, 20) O le upu ua faaliliuina “soo” o lona uiga “o se tasi o loo toleniina.” O loo iai i le Tusi Paia aemaise lava i aʻoaʻoga a Iesu Keriso, faamatalaga e te manaʻomia ina ia maua ai se olaga fiafia ma faamalieina. (2 Timoteo 3:16, 17) E matou te fiafia e fesoasoani atu ina ia e iloa aʻoaʻoga a le Tusi Paia, e ala i se talanoaga faale-Tusi Paia e faia e aunoa ma se totogi.Mataio 10:7, 8; 1 Tesalonia 2:13.

Laasaga 2: Ia faatatau mea ua e aʻoaʻoina. Na fetalai Iesu o i latou e aʻoaʻoina e tatau foʻi ona “tausi i mea uma ua [ia] poloaʻi [mai] ai.” (Mataio 28:20) O lona uiga o lau suʻesuʻega o le Tusi Paia e lē tau ina aʻoaʻoina ai o le mafaufau, ae e ono manaʻomia ai foʻi ona e faia ni suiga tetele i le auala e te mafaufau ma amioaʻi ai. (Galuega 10:42; Efeso 4:22-29; Eperu 10:24, 25) O i latou e tausia poloaʻiga a Iesu, o le a uunaʻia e faia se filifiliga a le tagata lava ia ina ia mulimuli iā te ia e ala i le tuuina atu o o latou ola iā Ieova le Atua.Mataio 16:24.

Laasaga 3: Ia papatiso. (Mataio 28:19) I le Tusi Paia, o loo faatusaina ai le papatisoga i le tanumia. (Faatusatusa i le Roma 6:2-4.) Ua avea lea ma faailoga o le oti e tusa ai ma le olaga tuai ae amata se olaga fou. O lea, o lou papatisoga o se faalauiloaga lea i luma o le lautele ua māeʻa ona e uia laasaga muamua e lua na faamatalaina e Iesu, ma o loo e talosaga atu i le Atua mo se lotofuatiaifo mamā.Eperu 9:14; 1 Peteru 3:21.

E faapefea ona ou iloa ua ou nofosauni mo le papatisoga?

Talanoa atu i toeaina o le faapotopotoga. O le a latou talanoa ma oe ina ia faamautinoa ua e malamalama i aʻoaʻoga a le Tusi Paia, ua e faatatauina mea ua e aʻoaʻoina, ma ua tuuina atu oe lava i le Atua i lou lotomalie.Galuega 20:28; 1 Peteru 5:1-3.

Pe e faatatau atu nei laasaga i fanau a mātua Molimau a Ieova?

Ioe. E pei lava ona faatonuina mai i le Tusi Paia, e matou te tausia aʻe a matou fanau “i aʻoaʻiga ma apoapoaʻiga a Ieova.” (Efeso 6:4) Peitaʻi a o latou tuputupu aʻe, e tatau ona faia la latou lava filifiliga ina ia aʻoaʻoina, talia, ma faatatauina aʻoaʻoga a le Tusi Paia a o leʻi mafai ona latou agavaa mo le papatisoga. (Roma 12:2) O le mea moni, e tatau i le tagata lava ia ona faia lana filifiliga e tusa ai o lotu.Roma 14:12; Kalatia 6:5.

Faitau Atili

TALA LELEI MAI I LE ATUA!

E Faapefea Ona E Iloa le Tapuaʻiga Moni?

Pe e na o le tasi le tapuaʻiga moni? Iloilo faailoga e lima e iloa ai le tapuaʻiga moni.

FESILI E MASANI ONA LĀGĀ

Pe e Talitonu Molimau a Ieova o i Latou le Tapuaʻiga Moni?

Pe na fetalai Iesu e tele ala e tau i le faaolataga?