Na faafalepuipuiina Viktor Stashevskiy i Crimea talu mai Mati 2021

Nofoaga o Loo Faafalepuipui ai Molimau a Ieova Ona o lo Latou Faatuatua

PLAY

E oo ane iā Aperila 2026, ua silia ma le 279 Molimau a Ieova ua faafalepuipuiina i le lalolagi aoao ona o lo latou faatuatua.

Ua faamautinoa mai i le mataupu 18 o le International Covenant on Civil and Political Rights, o le aiā tatau a tagata le saʻoloto e faaali o latou manatu, usitaʻi i o latou lotofuatiaifo, ma auai i a latou lotu. Peitaʻi ua teena e nisi atunuu le iai i Molimau a Ieova o na aiā tatau. O le toʻatele o Molimau a Ieova ua faafalepuipuiina ma sauāina, ona o le auai i a latou gaoioiga faalelotu, pe ona e teena foʻi e o latou lotofuatiaifo le auai i vaegaʻau.

Eritrea

I le 1994, na faalēaogāina ai e le peresitene o Eritrea o Isaias Afwerki le avea o Molimau a Ieova ma tagatānuu o lenā malo, ona e latou te leʻi auai i le palota a le atunuu atoa mo le tutoʻatasi na faia i le 1993, ma na latou teena foʻi le auai i vaegaʻau ona e lē taliaina e o latou lotofuatiaifo. Talu mai lenā taimi, na latou faamalosia, faafalepuipui, sauāina ma faafefe Molimau a Ieova, e aofia ai fafine, tagata matutua, e oo lava i fanau iti, e aunoa ma le faia o ni faamasinoga e tonu. E toʻa 64 Molimau a Ieova o loo faafalepuipuiina i le taimi lenei i Eritrea. E leai se tasi o i latou ua molia pe faasalaina i le falepuipui.

Ina ia maua se kopi o le lisi o igoa o Molimau a Ieova o loo faafalepuipuiina i le taimi lenei i Eritrea ona o lo latou faatuatua, oomi le link lenei.

Rusia

Iā Aperila 2017, na aumaia ai le faaiʻuga a le Faamasinoga Maualuga a Rusia, ina ia tapunia faalapotopotoga faaletulafono a Molimau a Ieova ona o tuuaʻiga sesē i le faia o ni gaoioiga faatupu faalavelave. O lea, na faoa faamalosi ai e leoleo a Rusia meatotino ma fanua e patino i le faalapotopotoga a Molimau a Ieova, tapunia nofoaga e faia ai a latou tapuaʻiga, ma faasā a latou lomiga. Na latou osofaʻia foʻi Molimau a Ieova taʻitoʻatasi, ma faapea mai e iai le sootaga o le tapuaʻi o le tagata i lona lava fale ma le faalapotopotoga lea ua faasāina. Pe a osofaʻia e leoleo fale o uso ma tuafāfine, e latou te matuā sauāina ma tuʻifesili i latou. E pe tusa ma le toʻa 172 Molimau a Ieova o loo taofia e faatali o latou faamasinoga, tuli faasalaga i nofoaga o faasalaga mamafa, pe faafalepuipui mo se vaitaimi patino.

Ina ia maua se kopi o le lisi o igoa o Molimau a Ieova o loo faafalepuipuiina i le taimi lenei i Rusia ona o lo latou faatuatua, kiliki i le link lenei.

Sigapoa

E faamalosia e le malo o Sigapoa le auai o alii talavou i le vaegaʻau, ma e latou te lē amanaʻiaina le aiā tatau a nei talavou e teena ai gaoioiga e lē taliaina e o latou lotofuatiaifo. O le iʻuga, pe a musu se tasi e auai i vaegaʻau, e oo atu i le 30 masina le umi e faafalepuipui ai. E ui i le tele o tausaga o talosaga mai Malo Aufaatasi, ae e lē o faatāuaina lava e le malo o Sigapoa aiā tatau a tagata taʻitoʻatasi. E toʻaiva alii talavou Molimau a Ieova o loo faafalepuipui ona o le mumusu e auai i le vaegaʻau, talu ai e lē taliaina e o latou lotofuatiaifo. O le toʻatolu o nei talavou o le taimi lona lua lea ua faafalepuipuiina ai i latou.

Ina ia maua se kopi o le lisi o igoa o Molimau a Ieova o loo faafalepuipuiina i le taimi lenei i Sigapoa ona o lo latou faatuatua, kiliki i le link lenei.

Korea i Saute

Iā Oketopa 26, 2020, na maua ai e i latou uma e lē auai i vaegaʻau ona e feteenaʻi ma o latou lotofuatiaifo, le avanoa e faatino ai isi auaunaga mo le lautele e ese mai i le vaegaʻau. Peitaʻi, e manatu nisi tagata o se faiga e lē tonu ma mamafa, ona e 36 masina le umi e faatino ai isi auaunaga mo le lautele, lea ua faaluaina le umi e auai ai i le vaegaʻau. E ui lava na tuuina atu e nisi ni tagi i le faamasinoga, ae i le 2024, na teena ai na tagi e le Faamasinoga Maualuga o Mataupu Faavae a Korea i Saute. O le toʻatele o Molimau a Ieova ua filifili e faatino isi auaunaga mo le lautele, e ui i le mamafa o na auaunaga. E oo mai i le asō, e toʻa 15 uso talavou Molimau a Ieova ua latou teena le faatinoina o isi auaunaga mo le lautele. E mai i lenā toʻa 15, e toʻatasi o loo faafalepuipui ae o nisi o i latou o loo faagasolo o latou faamasinoga, ma faatalitali ai pe ono faafalepuipuiina i latou.

Ina ia maua se kopi o le lisi o igoa o Molimau a Ieova o loo faafalepuipuiina i le taimi lenei i Korea i Saute ona o lo latou faatuatua, oomi le link lenei.

Ukraine

Ua toetoe 30 tausaga o iai le tulafono a Ukraine e maua ai e Molimau a Ieova le aiā tatau e faia ai auaunaga mo le lautele e ese mai i le vaegaʻau, ona o o latou lotofuatiaifo. O le taua lea na amata iā Fepuari 24, 2022, na iloa ai e leai se faatulagaga e faataga ai i latou e faia auaunaga eseese mo le lautele, ona o le lē auai i le vaegaʻau. O le iʻuga, na molia le toʻatele. E toʻaiva Molimau a Ieova o loo faafalepuipui i le taimi lenei, ae e toʻaiva foʻi o loo taofia ma faatalitali o latou faamasinoga. E toʻatolu ni tagata suʻesuʻe faapitoa e galulue mo Malo Aufaatasi, na faailoa mai o latou popolega e tusa ai ma le leai o ni auaunaga mo le lautele i Ukraine e ese mai i le vaegaʻau.

Ina ia maua se kopi o le lisi o igoa o Molimau a Ieova o loo faafalepuipuiina i le taimi lenei i Ukraine ona o lo latou faatuatua, oomi le link lenei.

“Ia manatua i latou o loo i le falepuipui e peiseaʻī ua saisaitia faatasi outou.”—Eperu 13:3.

Taga‘i Fo‘i:

FESILI E MASANI ONA LĀGĀ

https://cms-imgp.jw-cdn.org/img/p/1014757/univ/art/1014757_univ_sqr_xl.jpg

Molimau a Ieova

Nofoaga o Loo Faafalepuipui ai Molimau a Ieova Ona o lo Latou Faatuatua

Taga‘i Fo‘i:

Pe e Faamalosia e Molimau a Ieova Tagata e Sui a Latou Lotu?

Aiseā e Solitū ai Molimau a Ieova i Mataupu Faapolotiki?

Aiseā e Lē Auai ai Molimau a Ieova i Taua?

Nofoaga o Loo Faafalepuipui ai Molimau a Ieova Ona o lo Latou Faatuatua

Taga‘i Fo‘i:

Filifili se Gagana