Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

O le ā Lau Vaaiga i le Tusi Paia?

O le ā Lau Vaaiga i le Tusi Paia?

Pe e te faapea mai o . . .

  • se tusi a tagata atamamai?

  • se tusi o uputuu ma talafatu?

  • le Afioga a le Atua?

 MANATU O LE TUSI PAIA

“O Tusitusiga Paia uma e mai i le agaga o le Atua.”2 Timoteo 3:16, Faaliliuga a le Lalolagi Fou.

AOGĀ E TE MAUA MAI AI

Tali faamalieloto i fesili tāua o le olaga.Faataoto 2:1-5.

Ta‘iala maufaatuatuaina mo le olaga i aso ta‘itasi.Salamo 119:105.

Faamoemoe moni mo le lumana‘i.Roma 15:4.

 PE MAFAI ONA TATOU TALITONU MONI I LE TUSI PAIA?

Ioe, mo ni māfuaaga se tolu:

  • Autasi mata‘ina. Na tusia le Tusi Paia i se vaitaimi e silia i le 1,600 tausaga, e ni tagata eseese e 40. O le to‘atele o i latou e le‘i feiloa‘i muamua le tasi i le isi. Peita‘i, e autasi le tusi atoa ma e tasi lona matua autū!

  • E faamaoni ona tusitala. E lē ta‘ua e tusitala o le talafaasolopito o le lalolagi, le faato‘ilaloina o o latou tagatānuu. Peita‘i, o tusitala o le Tusi Paia, e latou te ta‘ua ma le sa‘o o latou masei, faapea masei o o latou tagatānuu.—2 Nofoaiga a Tupu 36:15, 16; Salamo 51:1-4.

  • Valoaga maufaatuatuaina. I le pe ā ma le 200 tausaga muamua atu, na valoia ai i le Tusi Paia le pa‘ū o le aai o Papelonia anamua. (Isaia 13:17-22) E lē gata na ta‘u mai le auala o le a faato‘ilalo ai Papelonia, ae faapea fo‘i le igoa o lē o le a ia faato‘ilaloina.—Isaia 45:1-3.

E tele fo‘i isi valoaga o le Tusi Paia na faataunuuina e oo lava i nai vala lāiti. Ma o le mea moni lenā e tatou te faatalitalia e uiga i le Afioga a le Atua.—2 Peteru 1:21.

 IA MAFAUFAU I AI

E mafai faapefea e le Afioga a le Atua ona faaleleia atili lou olaga?

O loo taliina i le Tusi Paia lenā fesili i le ISAIA 48:17, 18 ma le 2 TIMOTEO 3:16, 17.

 

Faitau Atili

Pe e Moni e Mai i le Atua le Tala Lelei?

E faapefea ona tatou mautinoa e saʻo aʻiaʻi le feʻau o loo i le Tusi Paia?