Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tala Lelei Mai i le Atua!

 Lesona 14

O le ā le Māfuaaga o le Iai o se Faalapotopotoga a Ieova?

O le ā le Māfuaaga o le Iai o se Faalapotopotoga a Ieova?

1. Aiseā na faamaopoopo ai e le Atua tagata Isaraelu anamua?

Na faamaopoopo e le Atua le fanau a le augātamā o Aperaamo, e avea ma nuu ma tuu atu i ai ni tulafono. Na ia faaigoaina lenā nuu, o “Isaraelu,” ma fai i latou ma ē e tausia le tapuaʻiga mamā ma lana afioga. (Salamo 147:19, 20) O lea la, e mafai ona maua e tagata o nuu uma ni aogā mai iā Isaraelu.Faitau le Kenese 22:18.

Na filifilia e le Atua tagata Isaraelu e avea ma ana molimau. O lo latou talaaga anamua, ua iloa ai le auala e maua ai e tagata aogā mai i le usitaʻia o tulafono a le Atua. (Teuteronome 4:6) O lea la, e ala i tagata Isaraelu, na oo ai ina iloa e isi le Atua moni.Faitau le Isaia 43:10, 12.

2. Aiseā e faapotopoto ai Kerisiano moni?

Na faasolosolo mālie ona lē maua e le nuu o Isaraelu le finagalo malie o le Atua, ma na filifilia ai e Ieova le faapotopotoga Kerisiano e suitulaga i lenā nuu. (Mataio 21:43; 23:37, 38) I le taimi lenei, ua auauna Kerisiano moni e avea ma molimau a Ieova, e sui aʻi le nuu o Isaraelu.Faitau le Galuega 15:14, 17.

Na faamaopoopo e Iesu ona soo ina ia talaʻi atu ma faia nuu uma ma soo. (Mataio 10:7, 11; 24:14; 28:19, 20) Ua oo atu lenei galuega i lona tumutumuga, i le taufaaiʻuiʻuga o le faiga o mea a lenei lalolagi. Ua autasia e Ieova mo le taimi muamua, le faitau miliona o tagata mai i nuu uma mo le tapuaʻiga moni. (Faaaliga 7:9, 10) Ua faapotopotoina foʻi Kerisiano moni ina ia fesoasoani ma faalaeiau le tasi i le isi. I a latou sauniga i le lalolagi aoao, o loo olioli ai i polokalame tauaʻoaʻoga faale-Tusi Paia e tasi.Faitau le Eperu 10:24, 25.

 3. Na faapefea ona amata mai le faalapotopotoga a Molimau a Ieova i aso nei?

Na amata le faalapotopotoga a Molimau a Ieova i aso nei, mai i vaitausaga o le 1870, ina ua iloa e se vaega toʻaitiiti ni upu moni o le Tusi Paia ua leva ona lē toe faaaogāina. Na latou iloa sa faamaopoopo e Iesu le faapotopotoga Kerisiano ina ia talaʻi atu, ona latou talaʻi atu loa lea o le Malo i le lalolagi atoa. Na talia e lenei vaega le igoa Molimau a Ieova i le tausaga e 1931.Faitau le Galuega 1:8; 2:1, 4; 5:42.

4. Ua faapefea ona faamaopoopo Molimau a Ieova i aso nei?

I le uluaʻi senituri, na maua e faapotopotoga Kerisiano i le tele o atunuu ni aogā mai i se vaega pule, o ē na iloa o Iesu o le Ulu o le faapotopotoga. (Galuega 16:4, 5) E faapena foʻi i aso nei, o loo maua e Molimau a Ieova i le lalolagi atoa ni aogā mai i le Vaega Pule o ni toeaina agavaa. O loo latou vaavaaia ofisa o lālā o Molimau a Ieova, lea o loo faaliliu, lomia, ma tufatufaina atu lomiga faale-Tusi Paia i le silia ma le 600 gagana. O loo saunia foʻi e le Vaega Pule ni faalaeiauga faale-Tusi Paia ma taʻiala, mo le silia ma le 100,000 faapotopotoga i le lalolagi atoa. I faapotopotoga taʻitasi, o loo galulue ai ni tane agavaa e avea o ni toeaina, po o ni ovasia. O loo vaavaaia e nei tane alolofa le lafu a le Atua.Faitau le 1 Peteru 5:2, 3.

Ua faapotopotoina Molimau a Ieova ina ia talaʻia le tala lelei, ma faia isi ma soo. E pei o le ʻauaposetolo, e latou te talaʻi atu mai i lea fale i lea fale. (Galuega 20:20) E latou te ofo atu foʻi e suʻesuʻe le Tusi Paia ma tagata e mananaʻo moni e iloa le upu moni. Ae o Molimau a Ieova, e lē na o se faalapotopotoga. O i latou o se ʻauaiga e iai se Tamā alofa, ma o ni uso ma tuafāfine e alolofa le tasi i le isi. (2 Tesalonia 1:3) Talu ai ua faamaopoopoina tagata o Ieova ina ia faafiafia lona finagalo ma fesoasoani i isi, o lea la, ua faia aʻe ai iā i latou se aiga e sili ona fiafia i le lalolagi.Faitau le Salamo 33:12; Galuega 20:35.

 

Faitau Atili

Ia Tumau i le Alofa o le Atua

E faapefea ona tatou faaalia le alofa ma le lotofaafetai mo mea uma ua faia e le Atua?

O ā Ituaiga Tagata e Iai Molimau a Ieova?

E to‘afia ni Molimau a Ieova e te silafia? O le ā se mea o e iloa e faatatau iā i matou?