Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tala Lelei Mai i le Atua!

 Lesona 5

O le ā le Finagalo o le Atua mo le Lalolagi?

O le ā le Finagalo o le Atua mo le Lalolagi?

1. Aiseā na foafoaina ai e le Atua le lalolagi?

Na tuuina mai e Ieova le lalolagi i le fanau a tagata e nonofo ai. O lea la, e leʻi foafoaina le uluaʻi ulugalii o Atamu ma Eva e ola i le lagi, auā ua uma ona foafoaina e le Atua agelu e nonofo ai. (Iopu 38:4, 7) Nai lo lea, na tuu e le Atua le uluaʻi tane i se Parataiso matagofie e taʻua o le faatoʻaga o Etena. (Kenese 2:15-17) Na tuu atu e Ieova iā te ia ma lana fanau le faamoemoe e olioli ai e faavavau i le lalolagi.Faitau le Salamo 37:29; 115:16.

I le taimi muamua, e na o le faatoʻaga o Etena sa avea ma parataiso. Na tatau i le uluaʻi ulugalii ona faatumu le lalolagi i a la fanau, ma galueaʻiina le lalolagi e avea ma parataiso. (Kenese 1:28) O le a lē taitai ona faaumatiaina le lalolagi, ae o le a avea pea ma nofoaga tumau o tagata.Faitau le Salamo 104:5.

2. Aiseā ua lē avea ai le lalolagi ma parataiso i le taimi nei?

Na tuu ese e Ieova Atamu ma Eva mai i le faatoʻaga ina ua lē usiusitaʻi i laʻua. Ua lē o toe iai se parataiso, ma e leai se isi e mafai ona toe faafoʻisia mai. Ua taʻua i le Tusi Paia: “Ua tuuina mai le lalolagi i le lima o lē ua amioleaga.”—Iopu 9:24.Faitau le Kenese 3:23, 24.

Po ua faagaloina e Ieova lana uluaʻi fuafuaga mo tagata? E leai! O ia o lē e ona le malosi uma lava, ma e taulau manuia mea uma e finagalo i ai. (Isaia 45:18) O le a ia toe faafoʻi le tagata i le tulaga na finagalo i ai i le amataga.Faitau le Salamo 37:11, 34.

3. O le a faapefea ona toe faafoʻisia le Parataiso?

O le a toe faafoʻisia le parataiso i le lalolagi a o faagasolo le pulega a le tupu a le Atua, o Iesu. I le taua e taʻua o Amaketo, o le a taʻitaʻia ai e Iesu agelu a le Atua ma faaumatia ai i latou  uma e tetee iā te Ia, ona saisai lea e Iesu o Satani ma lafo i le tō mo tausaga e 1,000. O le a faaolaina tagata o le Atua mai i lenā faaumatiaga, ona o le a taʻitaʻia ma puipuia i latou e Iesu. O le a latou olioli i le ola e faavavau i le Parataiso i le lalolagi.Faitau le Faaaliga 20:1-3; 21:3, 4.

4. O afea o le a faamutaina ai puapuaga?

O afea o le a faamutaina ai e le Atua mea leaga o loo tutupu i le lalolagi? Na faailoa mai e Iesu le “faailoga” e iloa ai ua lata mai le iʻuga. O mea o loo tutupu i le lalolagi i le taimi nei, ua matuā lamatia ai ola o tagata, ma ua manino mai ai o loo tatou ola i “le taufaaiʻuiʻuga o le faiga o mea a le lalolagi.”Faitau le Mataio 24:3, 7-14, 21, 22.

O le a faamutaina e Iesu mafatiaga a o faagasolo lana pulega o le 1,000 tausaga mai i le lagi i le lalolagi. (Isaia 9:6, 7; 11:9) E ese mai i lona tulaga o se Tupu, o le a avea foʻi Iesu o le Ositaulaga Sili e faamagaloina agasala a i latou e alolofa i le Atua. O lea la, e ala iā Iesu, o le a aveesea atoatoa ai e le Atua maʻi, le soifua matua, ma le oti.Faitau le Isaia 25:8; 33:24.

5. O ai o le a ola i le Parataiso i le lumanaʻi?

I le Maota mo Sauniga, o le a e feiloaʻi ai i tagata e alolofa i le Atua ma mananaʻo e aʻoaʻoina le auala e faafiafia ai o ia

O le a ola i le Parataiso tagata e usiusitaʻi i le Atua. (1 Ioane 2:17) Na auina atu e Iesu ona soo ina ia saʻili tagata agamalu, ma aʻoaʻoina i latou i le auala e maua ai le finagalo malie o le Atua. O loo sauniunia e Ieova i aso nei le faitau miliona o tagata, e ola i le lumanaʻi i le Parataiso i le lalolagi. (Sefanaia 2:3) I Maota mo Sauniga a Molimau a Ieova, o loo aʻoaʻoina ai e tagata le auala e avea ai ma tane po o ni tamā lelei, faapea le avea ai ma avā po o se tinā lelei. E tapuaʻi faatasi mātua ma fanau, ma aʻoaʻoina le auala e maua ai aogā mai i le tala lelei.Faitau le Mika 4:1-4.

 

Faitau Atili

O le ā le Finagalo o le Atua mo le Lalolagi?

Po o le a faataunuuina le finagalo o le Atua mo se lalolagi parataiso? Pe afai o le a faataunuuina, o afea?