Skip to content

Skip to secondary menu

Skip to table of contents

Molimau a Ieova

Faa-Samoa

O ā Aʻoaʻoga Mai i le Tusi Paia?

O le ā le Finagalo o le Atua mo i Tatou?

O le ā le Finagalo o le Atua mo i Tatou?

PE A e faitau i le nusipepa, matamata i le televise, pe faalogologo foʻi i le leitiō, e te vaaia ma faalogoina ai le tele o tala i soligatulafono, taua ma faiga faatupu faalavelave. Atonu foʻi o loo e mafatia ona o se maʻi, po ua maliu foʻi se tasi e pele iā te oe.

Fesili ifo iā te oe lava:

  • Po o le finagalo lea o le Atua mo aʻu ma loʻu aiga?

  • O fea e mafai ona ou maua ai se fesoasoani mo oʻu faafitauli?

  • Pe e iai ea se taimi o le a maua ai le filemu moni?

Ua aumaia i le Tusi Paia tali manino e mafai ona faatalitonuina ai oe.

 UA AʻOAʻOINA I LE TUSI PAIA O LE A FAIA E LE ATUA MEA MATAʻINA I LE LALOLAGI.

  • E lē toe lagona e tagata se tigā, ola matutua pe feoti foʻi.—Faaaliga 21:4

  • ʻO le a osooso lē ua pipili e pei o le ʻaila.’—Isaia 35:6

  • ʻO le a faapupulaina mata o ē ua pō le vaai.’—Isaia 35:5

  •  O le a toe faatutūina mai ē ua maliliu.—Ioane 5:28, 29

  • E lē toe iai se tasi e maʻi.—Isaia 33:24

  • O le a tele meaʻai mo tagata uma i le lalolagi.—Salamo 72:16

 IA MAUA AOGĀ MAI I AʻOAʻOGA O LE TUSI PAIA

E te ono mafaufau, o mea na e faitauina i itulau muamua o lenei tusi, ua na o se miti. Peitaʻi, ua folafola mai e le Atua e lē o toe umi ona ia faia lea o na suiga i le lalolagi, ma ua faamatalaina i le Tusi Paia le auala o le a faia ai e le Atua na suiga.

E lē gata i lea, o loo faamatalaina foʻi i le Tusi Paia mea e manaʻomia ona tatou iloa, ina ia maua ai le fiafia moni ma se olaga faamalieloto i le taimi nei. Seʻi mafaufau i mea e faapopoleina ai oe. Atonu ua lē lava lau faasoa, o faafitauli i lou aiga, aafia i maʻi pe maliu foʻi sē e pele iā te oe. E mafai e le Tusi Paia ona fesoasoani iā te oe e faafetaiaʻia nei faafitauli, ma avatu le faamāfanafanaga e ala i le taliina o nisi o fesili e pei o:

 O lou faitauina o lenei tusi, e faaalia ai o loo e fia malamalama i aʻoaʻoga a le Tusi Paia. O le a fesoasoani lenei tusi iā te oe e faia faapea. O loo iai fesili mo palakalafa, ma o le a fesoasoani iā te oe ina ia atili malamalama ai i le Tusi Paia. E faitau miliona tagata e fiafia e talatalanoa ma Molimau a Ieova e faatatau i le Tusi Paia. E matou te faamoemoe e faapena foʻi ou lagona. Tau ina ia faamanuia le Atua iā te oe, a o e iloiloina aʻoaʻoga mai i le Tusi Paia.