Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

O le ā Sou Manatu e Uiga i le Lumana‘i?

O le ā Sou Manatu e Uiga i le Lumana‘i?

Lo tatou lalolagi—po o le a . . .

  • tumau ai pea i le mea e tasi?

  • faasolo ina leaga?

  • faasolo ina lelei?

 MANATU O LE TUSI PAIA

‘E soloiesea fo‘i e le Atua loimata uma i o latou mata, e lē toe iai se oti, po o se faanoanoa, po o se tagiauē, e lē toe iai fo‘i se tigā. Auā ua mavae atu mea muamua.’—Faaaliga 21:3, 4, Faaliliuga a le Lalolagi Fou.

AOGĀ E TE MAUA MAI AI

Galuega aogā ma faamalieloto.Isaia 65:21-23.

E lē toe iai se ma‘i po o so o se ituaiga o puapuaga.—Isaia 25:8; 33:24.

Se olaga fiafia e lē uma, faatasi ma aiga ma uō.—Salamo 37:11, 29.

 PE MAFAI ONA TATOU TALITONU MONI I LE TUSI PAIA?

Ioe, mo ni māfuaaga se lua:

  • E iā Ieova le mana e faataunuu ai ana folafolaga. I le Tusi Paia, o loo ta‘ua ai Ieova le Atua ua na o ia o “Lē e ona le malosi uma lava,” ona e lē gata mai lona malosi. (Faaaliga 15:3) O lea, e mafai ona ia faataunuu lana folafolaga e suia lo tatou lalolagi i se tulaga e sili ona lelei. E pei ona ta‘ua i le Tusi Paia, “e mafaia e le Atua mea uma lava.”—Mataio 19:26.

  • E naunau le Atua e faataunuu ana folafolaga. Mo se faaa‘oa‘oga, e “matuā naunau” Ieova e toe faafo‘isia le ola i ē ua maliliu.—Iopu 14:14, 15.

Ua ta‘ua fo‘i i le Tusi Paia sa faamālōlō e le Alo o le Atua, o Iesu, ē na mama‘i. Aiseā na ia faia ai faapea? Ona sa ia finagalo i ai. (Mareko 1:40, 41) I le pei o lona Tamā, sa naunau fo‘i Iesu e fesoasoani i ē na mana‘omia se fesoasoani.—Ioane 5:19.

O lea, e tatou te mautinoa e finagalo Ieova ma Iesu e fesoasoani mai iā i tatou ia maua se olaga fiafia i le lumana‘i!—Salamo 72:12-14; 145:16; 2 Peteru 3:9.

 IA MAFAUFAU I AI

O le a faapefea ona suia e le Atua lo tatou lalolagi i se tulaga e sili ona lelei?

O loo taliina i le Tusi Paia lenā fesili i le MATAIO 6:9, 10 ma le TANIELU 2:44.

Faitau Atili

O le ā le Finagalo o le Atua mo le Lalolagi?

O loo faamatalaina i le Tusi Paia le māfuaaga na foafoaina ai e le Atua le lalolagi, le taimi o le a faamutaina ai puapuaga, ma le tulaga o le a iai le lalolagi i le lumanaʻi faapea i latou o le a ola ai i lenā taimi.

O le ā le Malo o le Atua?

O ai le Tupu o le Malo o le Atua, ma o ā mea o le a faataunuuina e lenā Malo?