Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

O le ā le Malo o le Atua?

O le ā le Malo o le Atua?

Pe e te faapea mai o . . .

  • se mea e i totonu o le loto?

  • se nofoaga i le lagi?

  • se faigāmalo i le lagi?

 MANATU O LE TUSI PAIA

“O le a faatūina ai e le Atua o le lagi o le malo e lē faaumatia lava.”—Tanielu 2:44, Faaliliuga a le Lalolagi Fou.

“Ua foaʻiina mai mo i tatou le atalii; ma o le a i luga o lona tauʻau le pulega.”—Isaia 9:6.

AOGĀ E TE MAUA MAI AI

  • O se faigāmalo amiotonu e mafai ona e maua ai faamanuiaga.—Isaia 48:17, 18.

  • I le lalolagi fou, o le a maua e tagata se olaga fiafia ma le soifua mālōlōina lelei atoatoa.—Faaaliga 21:3, 4.

 PE MAFAI ONA TATOU TALITONU MONI I LE TUSI PAIA?

Ioe, mo ni māfuaaga se lua:

  • Na faailoa mai e Iesu mea o le a faataunuuina e le Malo o le Atua. Na aʻoaʻoina e Iesu ona soo e tatalo ia oo mai le Malo o le Atua, ma ia faia lona finagalo i le lalolagi. (Mataio 6:9, 10) O gaoioiga na faia e Iesu na faaataina mai ai le auala o le a taliina ai lenā tatalo.

    A o iai i le lalolagi, sa fafagaina e Iesu ē na fia aai, faamālōlō ē mamaʻi, ma toe faatutūina mai ē na maliliu! (Mataio 15:29-38; Ioane 11:38-44) Talu ai e leʻi avea o ia ma tupu i lenā taimi, o lea, o mea na ia faia na faaata mai ai mea matagofie o le a faataunuuina e le Malo, mo ona tagatānuu i le lumanaʻi.—Faaaliga 11:15.

  • O mea o loo tutupu i le lalolagi ua faamaonia ai ua lata ona oo mai le Malo. Na valoia e Iesu o le a faatumulia le lalolagi i taua, oge ma mafuiʻe, a o leʻi aumaia e le Malo le filemu.—Mataio 24:3, 7.

    O loo tatou molimauina na tulaga i aso nei. O lea, ua tatou mautinoa ai ua toe o se aga ona faaiʻuina lea e le Malo o le Atua na faafitauli uma.

 IA MAFAUFAU I AI

E faapeʻī le olaga o le a iai i le pulega a le Malo o le Atua?

O loo taliina i le Tusi Paia lenā fesili i le SALAMO 37:29 ma le ISAIA 65:21-23.

Faitau Atili

O le ā le Finagalo o le Atua mo le Lalolagi?

O loo faamatalaina i le Tusi Paia le māfuaaga na foafoaina ai e le Atua le lalolagi, le taimi o le a faamutaina ai puapuaga, ma le tulaga o le a iai le lalolagi i le lumanaʻi faapea i latou o le a ola ai i lenā taimi.