Skip to content

Skip to secondary menu

Skip to table of contents

Molimau a Ieova

Faa-Samoa

Ua Pule le Malo o le Atua!

Itu agavale: O se tuafafine paeonia o loo talaʻi i Korea i le 1931; itu taumatau: O le talaʻiga i aso nei i Korea, o loo faaaogā ai le gagana mo ē logonoa

 VAEGA 2

Galuega Talaʻi o le Malo—Faalauiloaina o le Tala Lelei i le Lalolagi Aoao

Galuega Talaʻi o le Malo—Faalauiloaina o le Tala Lelei i le Lalolagi Aoao

 UA E mālōlō mai i lau galuega, ma ua e sauni mo le galuega talaʻi. Ua e lagona le vaivai, ma mafaufau ai e manaia le taeao i le mālōlō. Peitaʻi, na e tatalo e faatatau i le mataupu, ma maumauaʻi e te alu i le talaʻiga. Na lua galulue faatasi ma se tuafafine matua, ma na matuā pāʻia lou loto i lona tumau ma lona agalelei. A o e faasoa atu le feʻau o le upu moni mai i lea fale i lea fale, na tau lou mafaufau o le feʻau foʻi lea o loo talaʻia e uso ma tuafāfine i le lalolagi aoao. O loo faaaogā ai foʻi lomiga lava e tasi, ma maua uma ai aogā mai lenei toleniga. I le taimi na uma ai le talaʻiga, ua e maua le malosi ma ua e fiafia ona e te leʻi nofo i le fale.

I aso nei, ua avea le faiva faa-Kerisiano ma galuega autū o le Malo o le Atua. Na valoia e Iesu o le a oo atu le galuega talaʻi i le lalolagi aoao i aso e gata ai. (Mata. 24:14) Ua faapefea ona faataunuuina lenā valoaga? I lenei vaega, o le a tatou iloiloina ai tagata, o metotia ma meafaigaluega na matuā aogā i le faiva faa-Kerisiano, lea ua fesoasoani i le faitau miliona i le lalolagi aoao e malamalama ai i le moni o le Malo.

I LENEI VAEGA

MATAUPU 6

O Tagata Talaʻi—Ua Lotomalilie e Ofo Atu i Latou Lava

Aiseā na mautinoa ai e Iesu o le a iai sana ʻautau o tagata talaʻi e lotomalilie e talaʻi atu i aso e gata ai? E faapefea ona e faaalia o loo e saʻilia muamua le Malo?

MATAUPU 7

Auala e Faia ai le Galuega Talaʻi—Faaaogā so o se Auala e Faaoo Atu ai le Feʻau i Tagata

Ia faitau i nisi o auala na faaaogā e tagata o le Atua ina ia oo atu ai le tala lelei i tagata i le tele e mafai ai, a o leʻi oo mai le iʻuga.

MATAUPU 8

Meafaigaluega mo le Galuega Talaʻi—Sauniaina o Lomiga mo le Fanua

E faapefea i la tatou galuega faaliliu ona faamaonia ai lo tatou mauaina o le lagolagosua a Iesu? O ā ni vala e faatatau i a tatou lomiga ua e faamaonia ai le moni o le Malo o le Atua?

MATAUPU 9

O Iʻuga o le Galuega Talaʻi—ʻUa Matua le Faatoʻaga mo le Seleselega’

E lua ni lesona tāua na aʻoaʻo atu e Iesu i ona soo e faatatau i le seleselega tele faaleagaga. E faapefea i nei lesona ona aafia ai i tatou i aso nei?