Skip to content

Skip to secondary menu

Skip to table of contents

Molimau a Ieova

Faa-Samoa

Ua Pule le Malo o le Atua!

Itu agavale: O fesoasoani laveaʻi na auina atu mo uso i Siamani mai i o tatou uso i Suisilani i le 1946; itu taumatau: O le toe fausiaina o se Maota mo Sauniga i Iapani, ina ua māeʻa le galulolo i le 2011

 VAEGA 6

Lagolagoina o le Malo—Maota mo le Tapuaʻiga ma le Saunia o Fesoasoani Laveaʻi

Lagolagoina o le Malo—Maota mo le Tapuaʻiga ma le Saunia o Fesoasoani Laveaʻi

 UA E savali i totonu o le Maota mo Sauniga, ma ua faigatā ona e mātauina lenei nofoaga. E te mitamita i lenei maota, ma sa faia foʻi sou sao i le taimi na fausia ai. Peitaʻi, ua atili ona e fiafia ona ua avea le Maota mo Sauniga, o se nofoaga lē tumau e faamautū i ai fesoasoani laveaʻi. I le māeʻa ai o se lologa na aafia ai lou vaipanoa, na vave ona faatulaga e le Komiti o le Lālā se auala e maua ai e i latou na mafatia meaʻai, lavalava, vai mamā ma isi mea manaʻomia. Na lelei foʻi ona faasoa meaalofa tauofo na foaʻi mai. Sa mafai e uso ma tuafāfine sa faapotopoto i lea nofoaga ona maua mea sa latou manaʻomia, ma e toʻatele sa fetagisi ona o le olioli.

Na fetalai Iesu o le faailoga sili e iloa ai ona soo, o le alofa o le tasi i le isi. (Ioa. 13:34, 35) I lenei vaega, o le a tatou iloiloina ai pe e faapefea i galuega faufale ma le saunia o fesoasoani laveaʻi, ona faaalia ai le alofa faa-Kerisiano. O lenā alofa, o se faamaoniga malosi lea o lo tatou ola i lalo o le pulega a le Malo.

I LENEI VAEGA

MATAUPU 18

O Auala e Faatupe ai Galuega o le Malo

O fea e maua mai ai tupe? E faapefea ona faaaogāina?

MATAUPU 19

O Faugāfale e Faamamaluina ai Ieova

E faamamaluina le Atua i maota mo tapuaʻiga, ae e iai se isi mea e sili atu ona ia faatāuaina.

MATAUPU 20

Le Faiva o le Foaʻi Atu

E faapefea ona matou iloa o le faia o galuega mo fesoasoani laveaʻi o se vala o la matou auaunaga paia iā Ieova?