Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Ua Pule le Malo o le Atua!

Po o e tulimataʻia le taimi o le a faataunuuina ai folafolaga a le Malo?

 VAEGA 7

Folafolaga a le Malo—Faia ia Fou Mea Uma

Folafolaga a le Malo—Faia ia Fou Mea Uma

 A O E tauina mai se apu, ua e sosogiina lona manogi manaia a o e tuuina i totonu o se ato. Ua umi ona e galue, ae o loo e lagona lava le malosi ma manaʻo e faaauau pea. I le isi itu o le faatoʻaga, o loo galue ai lou tinā ma talatalanoa fiafia ma isi ou tauaiga ma uō. Ua foliga talavou o ia, e pei lava ua e toe vaai i ai i le taimi a o e laʻitiiti. E faigatā ona e talitonu i le taimi na faasolo ai ina matua o ia i le faiga tuai o mea, lea ua mavae atu. Sa e vaai iā te ia i le taimi na maʻi tigāina ai, aemaise le taimi mulimuli sa e uuina ai lona lima ina ua tali oti, ma na e matuā tagi lotulotu i autafa o lona tuugamau. Peitaʻi, o lea ua e toe vaai atu iā te ia faapea le toʻatele o isi ua toetutū mai, ma toe ola mālōlōina.

Ua tatou iloa o le a oo moni mai lenā aso, auā e taunuu moni folafolaga uma a le Atua. O le a iloiloina i lenei mataupu auala o le a faataunuuina ai nisi o folafolaga a le Malo, a o leʻi oo i le taua o Amaketo. O le a iloiloina ai foʻi nisi o folafolaga mataʻina a le Malo o le a faataunuuina mulimuli ane ai. Maʻeu lo tatou fiafia i le vaai atu i le taimi o le a pulea ai e le Malo o le Atua le lalolagi atoa, ma faia ia fou mea uma!

I LENEI VAEGA

MATAUPU 21

Aveesea e le Malo o le Atua Ona Fili

E mafai ona e sauniuni i le taimi lenei auā le taua iā Amaketo.

MATAUPU 22

Ua Faataunuu e le Malo le Finagalo o le Atua i le Lalolagi

E faapefea ona e mautinoa o le a taunuu moni folafolaga a Ieova?