Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Po o le a Faaiʻuina ea Mafatiaga?

Po o le a Faaiʻuina ea Mafatiaga?

Pe e te faapea mai . . .

  • ioe?

  • leai?

  • atonu?

 MANATU O LE TUSI PAIA

ʻO le a soloiesea e le Atua loimata uma i o latou mata, e lē toe iai se oti, po o ni mafatiaga, po o se tagiauē, po o se tigā.’ —Faaaliga 21:3, 4, Contemporary English Version.

AOGĀ E TE MAUA MAI AI

Faamaonia mai ai e lē o le Atua e māfua ai o tatou faafitauli.—Iakopo 1:13.

E faamāfanafanaina i le iloaina e tigā faalogona o le Atua pe a tatou mafatia.—Sakaria 2:8.

Le faamoemoe o le a faaiʻuina mafatiaga uma.—Salamo 37:9-11.

 PE MAFAI ONA TATOU TALITONU MONI I LE TUSI PAIA?

Ioe, mo ni māfuaaga se lua:

  • E ʻinoʻino Ieova i mafatiaga ma faiga lē tonu. Seʻi manatu i faalogona o Ieova le Atua ina ua sauāina ma faileagaina ona tagata i taimi o le Tusi Paia. Ua taʻua i le Tusi Paia na matuā mafatia o ia ona o “ē na faatigā iā i latou.”—Faamasino 2:18, Faaliliuga a le Lalolagi Fou.

    E inosia e Ieova i latou e faileagaina isi. Mo se faaaʻoaʻoga, ua taʻua i le Tusi Paia e ʻinoʻino o ia i “lima e sasaa le toto o ē e lē sala.”—Faataoto 6:16, 17.

  • E manatu mamafa mai le Atua iā i tatou taʻitoʻatasi. E lē gata e taʻitasi le tagata ma iloa “lona lava malaia ma lona tigā,” ae e silafia foʻi e Ieova!2 Nofoaiga a Tupu 6:29, 30.

Ua lē o toe umi ae faaiʻuina e Ieova mafatiaga o tagata taʻitoʻatasi, e ala mai i lona Malo. (Mataio 6:9, 10) Ae i le taimi nei, o loo ia faamāfanafana ma le alofa i latou o loo saʻili atu ma le faamaoni iā te ia.—Galuega 17:27; 2 Korinito 1:3, 4.

 IA MAFAUFAU I AI

Aiseā ua lē taofia ai e le Atua mafatiaga?

O loo taliina i le Tusi Paia lenā fesili i le ROMA 5:12 ma le 2 PETERU 3:9.

Faitau Atili

Aiseā ua Lē Taofia ai e le Atua Mea Leaga ma Mafatiaga?

Na faapefea ona amata mai le leaga, ma aiseā ua lē taofia ai e le Atua? Pe e iai se taimi o le a aveesea ai mafatiaga?