Skip to content

Skip to secondary menu

Skip to table of contents

Molimau a Ieova

Faa-Samoa

Lesona E te Aʻoaʻoina Mai i le Tusi Paia

Faatomuaga o le Vaega 7

Faatomuaga o le Vaega 7

O loo faamatalaina i lenei vaega talaaga o olaga o le tupu o Saulo ma le tupu o Tavita, lea e pe tusa ma le 80 tausaga le umi. I le taimi muamua, sa lotomaulalo ma mataʻu Saulo i le Atua. Ae e leʻi umi ae suia ona uiga ma e leʻi manaʻo e mulimuli i taʻiala a Ieova. Na teena o ia e Ieova, ae a o faagasolo taimi na avatu e Ieova le faatonuga iā Samuelu e faauu Tavita e avea ma tupu e sosoo ai o Isaraelu. Sa lotoleaga Saulo iā Tavita, ma e tele taimi na ia taumafai ai e fasiotia Tavita, ae e leʻi toe taui atu lava e Tavita na mea. Na iloa e Ionatana le atalii o Saulo o Tavita sa filifilia e Ieova, o lea na ia faamaoni ai iā Tavita. Na faia e Tavita ni agasala matuiā, ae e na te leʻi teena lava aʻoaʻiga a Ieova. Pe afai o oe o se matua, ia fesoasoani i lau tama ina ia iloa le tāua o le usiusitaʻi pea ma le faamaoni iā Ieova, faapea i latou ua ia filifilia e taʻitaʻia ma faatonutonuina i tatou.

I LENEI VAEGA

LESONA 39

Le Tupu Muamua o Isaraelu

Na tofia e Ieova faamasino Isaraelu e taʻitaʻia i latou, ae na latou mananaʻo i se tupu. Na faauuina e Samuelu Saulo e avea ma tupu muamua, peitaʻi na teena mulimuli ane e Ieova o ia. Aiseā?

LESONA 40

Tavita ma Koliata

Ua filifilia e Ieova Tavita e avea ma tupu e sosoo ai o Isaraelu, ma ua faamaonia mai e Tavita le māfuaaga e saʻo ai lea filifiliga.

LESONA 41

Tavita ma Saulo

Aiseā na ʻinoʻino ai le tasi tane i le isi tane, ma o le ā le auala e tali mai ai lē na inosia?

LESONA 42

Sa Lototele ma Faamaoni Ionatana

Na māfana le faauōga a le atalii o le tupu ma Tavita.

LESONA 43

Le Agasala a le Tupu o Tavita

O se filifiliga leaga e iʻu atu ai i le tele o faafitauli.