Skip to content

Skip to secondary menu

Skip to table of contents

Molimau a Ieova

Faa-Samoa

Lesona E te Aʻoaʻoina Mai i le Tusi Paia

 LESONA 5

Le Vaa o Noa

Le Vaa o Noa

Mulimuli ane, na amata ona toʻatele tagata i le lalolagi, ma e toetoe o i latou uma na leaga. Na avea foʻi nisi o agelu i le lagi ma agelu leaga. Na latou ō ese mai i lo latou nofoaga i le lagi ae ō mai i le lalolagi. E te iloa le māfuaaga? Ina ia mafai ai ona liua o latou tino i tino o tagata ma faaipoipo ai i fafine.

Na maua ni atalii o nei agelu ma fafine. Na feola aʻe i latou ma avea o ni tagata e matuā malolosi ma sauā i isi tagata. E leʻi finagalo Ieova e tutupu pea na mea. O lea, na ia filifili ai e faaumatia tagata leaga i se lolo.

Ae na iai se tagata na ese mai ai ona uiga. O lona igoa o Noa, ma na alofa o ia iā Ieova. Sa iai lana avā ma ona atalii e toʻatolu o Semu, Hamo ma Iafeta ma a latou avā. Na faatonuina e Ieova Noa ina ia fau se vaa telē, ina ia mafai ai ona faasaoina o ia ma lona aiga i le Lolo. O lenei vaa e pei o se pusa telē e mafai ona opeopea i luga o le vai. Na faatonuina foʻi Noa e ave le tele o manu i totonu o le vaa, ina ia faasaoina ai foʻi.

Na amata loa ona fau e Noa le vaa. Pe tusa ma le 50 tausaga na fau ai e Noa ma lona aiga le vaa. Na latou fausia i le auala tonu lava na finagalo i ai Ieova. A o fau le vaa, na faailoa atu e Noa i tagata le Lolo, ae e leai se tasi na faalogo iā te ia.

Ua oo nei i le taimi e ō ai i totonu o le vaa. Seʻi o tatou faitau i le tala e sosoo ai e iloa ai po o le ā le mea na tupu.

“E pei lava o aso o Noa, o le a faapena foʻi le faatasi mai o le Atalii o le tagata.”—Mataio 24:37