Skip to content

Skip to secondary menu

Skip to table of contents

Molimau a Ieova

Faa-Samoa

Lesona E te Aʻoaʻoina Mai i le Tusi Paia

Faatomuaga o le Vaega 12

Faatomuaga o le Vaega 12

Na aʻoaʻoina e Iesu tagata e faatatau i le Malo o le lagi. Na ia aʻoaʻoina foʻi i latou e tatalo ina ia faapaiaina le suafa o le Atua, ia oo mai lona Malo, ma ia faia lona finagalo i le lalolagi. Pe afai o oe o se matua, ia faamatala i lau tama le uiga o lenei tatalo iā i tatou. E leʻi faatagaina e Iesu Satani e aveesea lona faamaoni. Na filifilia e Iesu ona aposetolo, ma o i latou o sui muamua o le Malo. Ia mātau le maelega o Iesu mo le tapuaʻiga moni. Talu ai na manaʻo Iesu e fesoasoani i isi, o lea na ia faamālōlō ai ē e mamaʻi, fafaga ē fia aai, ma toe faatutūina mai ē ua maliliu. E ala i nei vavega uma, ua ia faataʻitaʻia mai ai mea o le a faia e le Malo mo le fanau a tagata.

I LENEI VAEGA

LESONA 74

Avea Iesu ma Mesia

O le ā le uiga o le faamatalaga a Ioane o Iesu o le Tamaʻi Mamoe a le Atua?

LESONA 75

Tofotofoina e le Tiapolo Iesu

E faatolu ona tofotofoina e le Tiapolo Iesu. O ā na tofotofoga e tolu? O le ā le tali atu a Iesu?

LESONA 76

Faamamā e Iesu le Malumalu

Aiseā ua tutuli ai e Iesu manu mai i le malumalu ma fuli laulau a tagata suitupe?

LESONA 77

Le Fafine i le Vaipuna

Na ofo le fafine Samaria i le vaipuna o Iakopo ina ua talanoa atu Iesu iā te ia. Aiseā? O le ā na taʻu atu e Iesu iā te ia lea e na te leʻi faailoa atu i isi?

LESONA 78

Talaʻi Atu e Iesu le Feʻau o le Malo

Ua valaaulia e Iesu nisi o ona soo ina ia avea ma “faifaiva i tagata.” Mulimuli ane, ua ia toleniina le toʻa 70 o ona soo e talaʻi atu le feʻau o le tala lelei.

LESONA 79

Faia e Iesu Vavega e Tele

O so o se mea lava na alu i ai o ia, na ō atu tagata mamaʻi iā te ia mo le fesoasoani, ma na ia faamālōlōina i latou. Na ia toe faatūina foʻi se teineitiiti mai i le oti.

LESONA 80

Filifilia e Iesu Aposetolo e Toʻasefulu Lua

O le ā na ia filifilia i latou e fai? Pe e te manatua o latou igoa?

LESONA 81

Le Lauga i Luga o le Mauga

Na aʻoaʻo atu e Iesu ni lesona tāua i le motu o tagata.

LESONA 82

Aʻoaʻo e Iesu Ona Soo i le Auala e Tatalo Ai

O ā mea na aʻoaʻo e Iesu ona soo e talosaga atu ai pea?

LESONA 83

Fafaga e Iesu le Faitau Afe

O le ā e tatou te aʻoaʻoina mai ai i lenei vavega e uiga iā Iesu ma Ieova?

LESONA 84

Savali Iesu i Luga o le Vai

Pe mafai ona e faaata faalogona o le ʻauaposetolo ina ua vaai i lenei vavega?

LESONA 85

Faamālōlō e Iesu Tagata i le Sapati

Aiseā e le o tagata uma ai na fiafia i mea na ia faia?

LESONA 86

Faatūina e Iesu Lasalo

Ina ua vaaia e Iesu le matuā mafatia o Maria, ona amata ai lea ona tagi o ia. Peitaʻi na liua o la loimata i le fiafia.