Skip to content

Skip to secondary menu

Skip to table of contents

Molimau a Ieova

Faa-Samoa

Lesona E te Aʻoaʻoina Mai i le Tusi Paia

 LESONA 70

Faalauiloa e Agelu le Fanau Mai o Iesu

Faalauiloa e Agelu le Fanau Mai o Iesu

Na faatonuina e Kaisara Aokuso le pule o le emepaea o Roma ia tagata Iutaia uma, e toe foʻi i nuu na latou fananau ai mo le tusigāigoa. O lea na malaga ai loa Iosefa ma Maria i Peteleema, le nuu o le aiga o Iosefa. Ua toeitiiti oo i le taimi e fanau ai Maria.

Ina ua la taunuu i Peteleema, e na o le pau le nofoaga sa mafai ona la maua e nonofo ai o le fale o manu. O i inā na fanauina ai e Maria lana tama tama o Iesu. Na ia faapulupulu o ia i ʻie ma faataoto i le mea e tuu ai meaʻai a manu.

E latalata ane i Peteleema, sa nonofo ai i fafo i le pō nisi o leoleo mamoe ma vaavaai a latou lafu. Ona faafuaseʻi lea ona tū mai se agelu i luma o leoleo mamoe, ma ua pupula faataaliʻoliʻo iā i latou le mamalu o Ieova. Na fefefe leoleo mamoe, ae na faapea mai le agelu iā i latou: ʻAua tou te fefefe. Ou te faailoa atu iā te outou se tala lelei. O le asō na  fanau ai le Mesia i Peteleema.’ O le taimi lava lenā na vaaia ai ni agelu se toʻatele i le lagi o vivii e faapea: ʻIa tuu atu le viiga i le Atua o i le lagi, ma le filemu i le lalolagi.’ Ona lē toe vaaia lea o agelu. O ā ni faalogona o leoleo mamoe i le mea na tupu?

Na fetalanoaaʻi leoleo mamoe ma faapea ane: ʻTatou ō loa i Peteleema.’ Na latou faanatinati atu ma maua ai i le fale o manu Iosefa ma Maria, faapea la laʻua pepe faatoʻā fanau mai.

Na ofo i latou uma na faalogo i mea na faamatala atu e leoleo mamoe. Na manatunatu loloto Maria i upu a le agelu ma e leʻi galo iā te ia. Na toe foʻi leoleo mamoe e vaavaai a latou lafu, ma faafetaia Ieova mo mea uma na latou vāai ma faalogo i ai.

“Ua ou sau mai i le Atua, ma ua ou i inei. Ou te leʻi sau i loʻu lava loto, a o Ia na auina mai aʻu.”—Ioane 8:42

Faitau Atili

FAAA‘OA‘O I LO LATOU FAATUATUA

‘Ua Manatunatu i ai le Loto o Maria’

O mea na tutupu iā Maria i Peteleema, na faamalosia ai lona faatuatua i folafolaga a Ieova.

IESU—LE ALA, LE UPU MONI MA LE OLA

Ua Faamamaluina Iesu a o Leʻi Fanau Mai

O le ā le auala ua faamamaluina ai e Elisapeta ma lana tama e leʻi fanau mai Iesu?

IESU—LE ALA, LE UPU MONI MA LE OLA

O Fea ma o Anafea na Fanau ai Iesu?

E faapefea ona tatou iloa e leʻi fanau Iesu iā Tesema 25?

MOVIES

“Ua Faia o Ia e le Atua ma Alii ma Keriso”

A o faagasolo taimi, e mapuna aʻe masalosaloga ma e ono faavaivaia ai le faatuatua. Ia faamalosia lou faatuatua iā Iesu, le Mesia na folafola mai ma o le Tupu o le Malo o le Atua.