Skip to content

Skip to table of contents

Faatomuaga o le Vaega 11

Faatomuaga o le Vaega 11

O loo faamatalaina i lenei vaega Tusitusiga Paia Eleni. Sa ola aʻe Iesu i se aiga e lē taualoa i se nuu laʻitiiti. Na ia galulue ma lona tamā o se kamuta. O Iesu o lē o le a laveaʻiina le fanau a tagata. Na filifilia o ia e Ieova e avea ma Tupu o le Malo i le lagi. Pe afai o oe o se matua, ia fesoasoani i lau tama e talisapaia le auala na filifili lelei ai e Ieova le aiga ma le siʻomaga e ola aʻe ai Iesu. Iloilo auala na puipuia ai e Ieova Iesu mai i le fasiotia e Herota, ma auala e lē mafai ai e se mea po o se tasi ona taofia le faataunuuina o le finagalo o Ieova. Ia iloilo le auala na tofia ai e Ieova Ioane e saunia le ala mo Iesu. Faamatilatila auala na faaalia ai e Iesu mai lava i lona laʻitiiti, lona naunau i le atamai o Ieova.

I LENEI VAEGA

LESONA 68

Fanau se Pepe a Elisapeta

Aiseā na taʻu atu ai i le tane a Elisapeta o le a lē mafai ona toe tautala o ia seʻia oo i le taimi e fanau ai le pepe?

LESONA 69

Asiasi Atu Kaperielu iā Maria

Na ia taʻu atu iā te ia se feʻau na suia ai lona olaga.

LESONA 70

Faalauiloa e Agelu le Fanau Mai o Iesu

Na vave ona tali atu leoleo mamoe na faalogo ina ua faalauiloa le fanau mai o Iesu.

LESONA 71

Na Puipuia e Ieova Iesu

Na manaʻo se tupu leaga e fasioti Iesu.

LESONA 72

A o Laʻitiiti Iesu

O le ā le auala na faaofo ai e Iesu aʻoaʻo sa iai i le malumalu?

LESONA 73

Ua Saunia e Ioane le Ala

Na ola aʻe Ioane ma avea ma perofeta. Ua ia aʻoaʻo atu ua afio mai le Mesia. O le ā le tali atu a tagata i lenā feʻau?