Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Iesu—Le Ala, le Upu Moni ma le Ola

 MATAUPU 117

Le Talisuaga Afiafi a le Alii

Le Talisuaga Afiafi a le Alii

MATAIO 26:21-29 MAREKO 14:18-25 LUKA 22:19-23 IOANE 13:18-30

  • UA TAʻUA IUTA O SĒ E FAALATA

  • UA FAAVAE E IESU LE TALISUAGA MO LE FAAMANATUGA

O lea ua faatoʻā uma ona aʻoaʻo atu e Iesu i ona aposetolo se lesona i le lotomaulalo, e ala i le mulumuluina o o latou vae. Ua māeʻa nei le taumafataga o le Paseka, ona ia sii atu lea o upu faavaloaga a Tavita e faapea: ʻO le tagata na ma uō, o lē na ou faatuatua i ai, o lē na ʻai i aʻu meaʻai, ua ia aa mai iā te aʻu i lona mulivae.’ Ua toe fetalai atu Iesu: “E iai se tasi o outou e na te faalataina aʻu.”—Salamo 41:9; Ioane 13:18, 21.

Ua fetilofaʻi solo le ʻauaposetolo ma ua taʻitasi ma fesili atu iā Iesu: “Le Alii e, o aʻu ea?” E oo lava iā Iuta le Sekara ua ia fesili atu foʻi. Ua ʻaiʻoi atu Peteru iā Ioane o lē o loo i autafa o Iesu, e fesili atu po o ai. O lea, ua faalatalata atu ai Ioane iā Iesu ma fesili atu: “Le Alii e, o ai ea o ia?”—Mataio 26:22; Ioane 13:25.

Ua tali mai Iesu: “O lē ou te avatu i ai le fasi falaoa ua ou loloiina.” Ua loiloi e Iesu le fasi falaoa ma avatu iā Iuta ma faapea atu: “E pei ona tusia e faatatau iā te ia, e alu lava le Atalii o le tagata, a o lē na te faalataina le Atalii o le tagata, oi talofa iā te ia! Sa sili ai pe ana lē fanau mai o ia.” (Ioane 13:26; Mataio 26:24) Ona ulu ai lea o Satani iā Iuta. Ua lolo atu nei Iuta, o lē ua liliu atu i le leaga, e faia le mea e manaʻo i ai le Tiapolo, ma avea ai o ia ma “atalii o le faaumatiaga.”—Ioane 6:64, 70; 12:4; 17:12.

Ua fetalai atu Iesu iā Iuta: “O le mea ua e manatu e fai, ia vave nei loa ona fai.” Talu ai o loo iā Iuta le pusa tupe, atonu la ua manatu isi aposetolo o loo fetalai atu Iesu iā te ia, ina ʻia faatau mai ni mea e latou te manaʻomia mo le tausamiga, pe avatu foʻi se mea i ē matitiva.’ (Ioane 13:27-30) Peitaʻi, ua alu ese Iuta ma sauni e faalata Iesu.

I le afiafi lava lea o le taumafataga o le Paseka, ua faavaeina ai e Iesu se talisuaga fou. Ua ia tago i le areto, ua fai le faafetai, ua vaevae ma avatu i ona aposetolo e aai ai. Ua ia fetalai atu iā i latou: “O le faatusa lenei o loʻu tino ou te avatu mo outou. Ia faia pea lenei mea e fai ma faamanatuga iā te aʻu.” (Luka 22:19) Ua faasolo le areto i aposetolo uma ma ua latou aai ai.

Ua tago foʻi Iesu i le ipu o le uaina, ua fai le faafetai ma faasolo atu i ona aposetolo. Ua taʻitoʻatasi i latou ma inu mai i le ipu. Ua fetalai atu Iesu: “O lenei ipu, o le faatusa lea o le feagaiga fou e ala i loʻu toto lea o le a faamaligiina mo outou.”—Luka 22:20.

O lea la ua faavae e Iesu le faamanatuga o lona maliu, lea e tatau i ona soo ona faia i tausaga taʻitasi iā Nisani 14. O lenei sauniga e faamanatu mai ai mea ua faia e Iesu ma lona Tamā, e faasaoina mai ai tagata faatuatua i le faasalaina i le agasala ma le oti. Na faamatilatila mai i le Paseka le saʻolotoga mo tagata Iutaia. Peitaʻi o le Faamanatuga o le maliu o Iesu, ua sili atu ona faamatilatila mai ai le saʻolotoga moni mo tagata talitonu.

Ua fetalai Iesu “e faamaligiina [lona toto] mo tagata e toʻatele e faamagalo ai agasala.” E aofia ai i le toʻatele e mauaina le faamagaloga, ona aposetolo faamaoni ma isi soo faamaoni. O i latou ia o le a faatasi ma Iesu i le Malo o lona Tamā.—Mataio 26:28, 29.

Faitau Atili

O le Talisuaga Afiafi a le Alii, o se Aso Faamanatu e Viia ai le Atua

Ua faatonuina Kerisiano e faamanatu le Faamanatuga o le Maliu o Keriso. O afea ma o le ā le auala e ao ona faamanatuina ai?