Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Iesu—Le Ala, le Upu Moni ma le Ola

 MATAUPU 39

Oi Talofa i le Tupulaga Lotomaaa

Oi Talofa i le Tupulaga Lotomaaa

MATAIO 11:16-30 LUKA 7:31-35

  • UA TAʻUSALAINA E IESU NISI O AAI

  • UA IA AUMAIA LE MAPUSAGA MA LE FAAFOUINA

E matuā faaaloalogia e Iesu Ioane le Papatiso. Ae o le ā le vaaiga a isi tagata iā Ioane? Ua fetalai atu Iesu e faatatau i lenei tupulaga e faapea: “Ua pei i latou o tamaiti o loo nonofo i le maketi ma tauvalaau atu i a latou uō e faapea: ʻUa tā atu a matou pese, ae tou te lē sisiva mai; ua matou tagiauē atu, ae tou te leʻi tagituʻi mai.’”—Mataio 11:16, 17.

O le ā le uiga o le fetalaiga a Iesu? Ua ia faamalamalama atu le uiga o le manatu e faapea: “Na sau [Ioane] e leʻi ʻai, e leʻi inu foʻi, ae ua fai mai tagata, ʻUa iā te ia se temoni.’ A ua sau le Atalii o le tagata ua ʻai ma inu, a ua faapea mai tagata, ʻFaauta! O le tagata ʻai tele ma le inu tele i le uaina, o le uō a le ʻauaolafoga ma ē e agasala.’” (Mataio 11:18, 19) Sa ola Ioane i se olaga faigofie o se tagata Naseri, ma sa ia taumamao mai le uaina. Peitaʻi, ua faapea mai lenei tupulaga ua uluitinoina o ia e temoni. (Numera 6:2, 3; Luka 1:15) I le isi itu, o loo ola Iesu e pei o le toʻatele o isi tagata. E fuafua lelei le auala e tausami ai o ia, faapea foʻi le auala e inu ai. Peitaʻi, ua tuuaʻia o ia i le ʻai tele ma le inu tele. E foliga mai e faigatā tele ona faamalieina tagata.

Ua faatusaina e Iesu lenei tupulaga i tamaiti i le maketi, o ē e mumusu e sisiva pe a tā atu e isi tamaiti pese, pe tagituʻi foʻi pe a tagiauē isi. Ua fetalai Iesu: “Ae e taʻuamiotonuina le atamai i ana galuega.” (Mataio 11:16, 19) Ioe, o “galuega” po o faamaoniga mai iā Ioane ma Iesu, ua faaalia ai le sesē o tuuaʻiga ua faia e faatatau iā i laʻua.

Ina ua uma ona fetalai Iesu e faatatau i le tupulaga lotomaaa, ona ia taʻusalaina lea o aai o Koasini, Petesaita ma Kapanaumi lea sa ia faia ai galuega mamana. Ua faapea atu Iesu, pe ana ia faia nei galuega i aai o Foinie o Turo ma Saitonu, e mautinoa e salamō na aai. Ua ia taʻua foʻi Kapanaumi, le aai o loo faamautū ai lana faiva, auā o le toʻatele o tagata i lenā aai e lē talilelei mai. Ua fetalai Iesu e faatatau i lenā aai e faapea: “E māmā atu le faasalaga o Sotoma i le Aso Faamasino, nai lo o oe.”—Mataio 11:24.

Ua vivii atu nei Iesu i lona Tamā, o lē e natia upu moni faaleagaga “mai i tagata popoto ma ē e atamamai,” ae faaali atu i ē lotomaulalo e pei o tamaiti. (Mataio 11:25) Ua ia faasafua atu lenei valaaulia matagofie iā i latou nei: “Ia outou ō mai iā te aʻu o outou uma ua tigāina ma mafatia i avega, ona ou faafouina lea o outou. Ia outou amoina laʻu amo ma faaaʻoaʻo mai iā te aʻu, auā o aʻu o lē e agamalu ma lotomaulalo, ona faafouina ai lea o outou. Auā e avegofie laʻu amo, ma e māmā foʻi laʻu avega.”—Mataio 11:28-30.

E faapefea ona faafouina e Iesu tagata? Ua ia faafouina i latou e ala i le aʻoaʻo atu o le mea moni e faatatau i le Atua, lea e lē pisipisia i tū ma aʻoaʻoga ua leva ona faapologaina ai tagata e taʻitaʻi lotu, e pei o tulafono faasāsā naʻuā e faatatau i le Sapati. Ua ia faailoa atu foʻi le auala e maua ai le mapusaga e i latou ua pagatia ona o pulega sauā a taʻitaʻi o malo, ma i latou ua lofitūina i faalogona nofosala. O le mea moni, ua faailoa atu e Iesu iā i latou nei le auala e faamagaloina ai a latou agasala, ma maua ai se leleiga ma le Atua.

O i latou uma e taliaina le valaaulia a Iesu e amoina lana amo, e mafai ona tuuina atu o latou ola i le Atua ma auauna ai iā te ia, o lo tatou Tamā alofa mutimutivale i le lagi. O le faia faapea e lē o se avega mamafa, auā e lē mamafa poloaʻiga a le Atua.—1 Ioane 5:3.