Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Ia Aʻoaʻo Lau Fanau

 LESONA 1

Se Mea Lilo e Tatou te Naunau e Iloa

Se Mea Lilo e Tatou te Naunau e Iloa

Pe na taʻu atu e se tasi iā te oe se mea e na te leʻi taʻuina lava i se isi?— * Afai na taʻu atu, o le mea la lenā e taʻua o le mea lilo, ona e leai se tasi o ia iloaina. O loo faamatalaina i le Tusi Paia se mea lilo faapitoa, e taʻua o le “mea lilo paia.” E paia ona e mai i le Atua, ma o se mea lilo ona e leai se isi na iloaina, e oo lava i agelu. Pe e te fia iloa lenā mea lilo?—

O le ā sou manatu, o le ā le mea sa fia iloa e agelu?

I le faitau afe o tausaga ua mavae, na faia ai e le Atua le uluaʻi ulugalii o Atamu ma Eva, ma tuu i le faatoʻaga matagofie e taʻua o Etena. Pe ana usiusitaʻi Atamu ma Eva i le Atua, semanū e mafai e i laʻua ma a la fanau, ona galulue e fai le lalolagi atoa ma parataiso matagofie, ma ola ai e faavavau. Ae pe e te manatua le mea na faia e Atamu ma Eva?—

E leʻi usiusitaʻi Atamu ma Eva i le Atua. O le māfuaaga lenā ua tatou lē o nonofo ai i se parataiso i aso nei. Peitaʻi, na fetalai le Atua o le a ia suia le lalolagi e avea ma parataiso matagofie, ma ola fiafia ai e faavavau tagata. E faapefea ona ia faia lenā mea? Na umi se taimi e leʻi iloa e tagata pe faapefea, ma sa avea o se mea lilo.

Ina ua sau Iesu i le lalolagi, sa ia aʻoaʻo tagata e faapea o le mea lilo, o le Malo lea o le Atua. Na ia aʻoaʻo tagata e tatalo ina ia oo mai lenā Malo. O le Malo lenā o le a suia le lalolagi e avea ma parataiso matagofie.

Po ua e fiafia ona ua e iloa lenei mea lilo?— Ia manatua, e na o i latou e usiusitaʻi iā Ieova o le a ola i le Parataiso. O loo faamatala mai i le Tusi Paia le tele o tala e uiga i tamāloloa ma fafine na usiusitaʻi iā Ieova. Pe e te fia iloa atili e uiga iā i latou?— Seʻi o tatou iloilo po o ai nisi o i latou, ma pe faapefea ona tatou faaaʻoaʻo i ai.

^ pala. 3 Afai e sosoo le fesili ma le vase (—), o lona uiga e tatau ona tuu le avanoa i le tamaitiiti e fai mai ai sona manatu.