Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Ia Aʻoaʻo Lau Fanau

 LESONA 12

Sa Lototele le Tama a le Tuafafine o Paulo

Sa Lototele le Tama a le Tuafafine o Paulo

Seʻi o tatou iloiloina le tala e uiga i se tama talavou sa ia faasaoina le ola o le aposetolo o Paulo. O Paulo o le tuagane o le tinā o le tama talavou lenei. E lē o iloa po o ai le igoa o le tama, ae e tatou te iloa sa ia faia se gaoioiga matuā lototele. Pe e te fia faalogo i le tala i le mea sa ia faia?—

Sa puʻeina ma faafalepuipui Paulo i Ierusalema, ona sa ia talaʻi e faatatau iā Iesu. Sa iai ni tagata leaga na mananaʻo e fasioti Paulo. O lea na fai ai sa latou tonu e faapea: ‘Seʻi o tatou fai atu i le taʻitaʻiʻau ina ia faatonu ana fitafita e aumai Paulo i le faamasinoga. Ona tatou lalafi lea i le auala ma faatalitali le taimi e ui ane ai i latou, ma tatou fasiotia ai loa Paulo!’

Sa taʻu atu e le tama a le tuafafine o Paulo, iā Paulo ma le taʻitaʻiʻau le tonu a tagata leaga

Na faalogo le tama a le tuafafine o Paulo i le tonu a nei tagata. O le ā le mea na faia e lenei tama? Sa alu atu i le falepuipui ma faamatala atu iā Paulo. Ona fai atu loa lea i ai o Paulo e alu e taʻu i le taʻitaʻiʻau. Pe sa faigofie i lenei tama ona talanoa atu i le taʻitaʻiʻau?— E leai, auā o le taʻitaʻiʻau o se tagata e maualuga lona tulaga. Peitaʻi sa lototele le tama ma talanoa atu i le taʻitaʻiʻau.

Sa iloa lelei e le taʻitaʻiʻau le mea e tatau ona fai. Sa ia faatonuina ni fitafita pe tusa ma le 500, e puipuia Paulo ma ave loa o ia i lenā lava pō i Kaisareia. Pe na faasaoina le ola o Paulo?— Ioe, auā e leʻi taunuu le tonu a tagata leaga, ma e latou te leʻi osofaʻia Paulo.

O le ā e te aʻoaʻoina mai i lenei tala?— E mafai foʻi ona e lototele e pei o le tama a le tuafafine o Paulo. E ao ona tatou lototetele pe a talanoa atu i isi e faatatau iā Ieova. Po o le a e lototele ma talanoa atu pea e faatatau iā Ieova?— Pe a e faia faapea, e te ono faasaoina la le ola o se tasi.