Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Ia Aʻoaʻo Lau Fanau

 LESONA 8

Na Lelei Uō a Iosia

Na Lelei Uō a Iosia

O le ā sou manatu, pe e faigatā ona fai le mea saʻo?— E toʻatele tagata e manatu e faigatā. O loo taʻua i le Tusi Paia sa matuā faigatā i se tama e igoa iā Iosia, ona faia le mea saʻo. Peitaʻi, na iai ni ana uō lelei sa fesoasoani iā te ia. Seʻi o tatou talanoa e uiga iā Iosia ma ana uō.

O Iosia o le atalii o Amone. O Amone o le tupu o Iuta, ma o ia o se tagata leaga ona sa tapuaʻi i tupua. Ina ua oti Amone, sa avea loa Iosia ma tupu o Iuta. Ae o le taimi lenā e na o le valu tausaga o Iosia. Pe na leaga foʻi Iosia e pei o lona tamā?— E leai.

Sa lapataʻia e Sefanaia tagata ia aua neʻi tapuaʻi i tupua

E ui lava ina laʻitiiti Iosia, ae na manaʻo o ia e usitaʻi iā Ieova. O lea na filifili ai e faauō atu i tagata e alolofa iā Ieova, ma fesoasoani iā te ia e fai le mea saʻo. O ai nisi o uō a Iosia?

O se tasi o ana uō o Sefanaia. O ia o se perofeta, ma na ia taʻu atu i tagata Isaraelu o le a faaumatia i latou, pe a faaauau  ona tapuaʻi i tupua. Na faalogo Iosia iā Sefanaia, ma na tapuaʻi Iosia iā Ieova.

O se isi uō a Iosia o Ieremia. E taitutusa o la tausaga, na la feola faatasi aʻe, ma na fesoasoani le tasi i le isi e faia le mea saʻo ma usiusitaʻi iā Ieova. Sa lelei tele le la faigāuō. O lea, ina ua oti Iosia, na tusia e Ieremia se pese faapitoa e faailoa ai lona misia tele o Iosia.

Sa uō Iosia ma Ieremia, ma na fesoasoani le tasi i le isi ina ia faia le mea saʻo

O le ā e te aʻoaʻoina mai iā Iosia?— E ui lava ina laʻitiiti o ia, ae na manaʻo lava ia usitaʻi iā Ieova. Sa faauō atu foʻi i tagata e alolofa iā Ieova. E tatau foʻi la ona e filifilia ni uō e alolofa iā Ieova, ma mafai ona fesoasoani iā te oe e fai le mea saʻo.