Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Ia Aʻoaʻo Lau Fanau

 LESONA 6

E Leʻi Fefe Tavita

E Leʻi Fefe Tavita

O le ā lau mea e fai pe a e fefe?— Atonu e te alu atu i lou tamā ma lou tinā mo se fesoasoani. Ae e iai se tasi e sili atu ona malosi e mafai foʻi ona fesoasoani iā te oe. Pe e te iloa o ai o ia?— Ioe, o Ieova le Atua. Seʻi o tatou talanoa e uiga i se tama e igoa iā Tavita, o lē e leʻi fefe ona sa ia iloa e mafai ona fesoasoani Ieova iā te ia.

Mai lava i le taimi a o pepe Tavita, sa aʻoaʻo o ia e ona mātua e uiga iā Ieova. Na fesoasoani lenā mea iā Tavita ina ia lototele ai, ina ua tutupu ni mea mataʻutia i lona olaga. Na iloa e Tavita o Ieova o lana Uō, ma e mafai ona fesoasoani mai iā te ia. I se tasi aso, na osofaʻi ai e se leona le lafu mamoe a Tavita, ma ū atu se mamoe i lona gutu. E te iloa le mea na faia e Tavita? Sa ia tuli le leona ma fasimate i ona lima. Ina ua osofaʻi foʻi e se pea lana lafu, na ia fasimatea foʻi lenā manu feʻai. O le ā sou manatu, o ai na fesoasoani iā Tavita?— Ioe, o Ieova le Atua.

E iai foʻi se isi taimi na matuā faaalia ai e Tavita le lē fefe. O le taimi lea na tau ai Isaraelu ma tagata e taʻua o Filisitia. Sa iai se fitafita Filisitia e igoa iā Koliata, ma o ia o se tagata tinoese. Na faifai o ia iā Ieova ma fitafita Isaraelu. Na manaʻo Koliata e tau ma se fitafita Isaraelu, ae na fefefe uma tagata Isaraelu. Ina ua faalogo Tavita i lenei mea, ona ia fai atu lea iā Koliata: ʻSau e ta te tau. E fesoasoani mai Ieova iā te aʻu, ma o le a ou manumalo.’ Pe na fefe Tavita?— Leai, na lototele o ia. E te iloa o le ā le mea na sosoo ai?

Na ave e Tavita lana maatā ma ni maa se lima, ma alu atu loa e tau ma lenā tagata tinoese. Na aamu Koliata ina ua vaai mai i le laʻitiiti o Tavita. Ae na fai atu Tavita: ʻE te sau iā te aʻu ma le pelu, ae ou te alu atu iā te oe i le suafa o Ieova!’ Ona tuu loa lea e Tavita o le maa i lana maatā ma sasau atu agaʻi iā Koliata. Na alu atu le maa ma tau tonu lava  i le muāulu o Koliata ma oti ai. O i inā na fefefe ai loa tagata Filisitia ma sosola. Na faapefea i se tama talavou e pei o Tavita ona manumalo i se tagata tinoese?— Na fesoasoani Ieova iā Tavita, ma e sili atu ona malosi Ieova.

E leʻi fefe Tavita ona sa ia iloa e fesoasoani mai Ieova iā te ia

O le ā e te aʻoaʻoina mai i le tala iā Tavita?— E sili atu ona malosi Ieova i lo o se isi lava, ma o ia o lau Uō. O lea la, pe a e toe fefe, ia manatua, e mafai ona fesoasoani Ieova iā te oe ina ia e lototele.

Faitau i Lau Tusi Paia