Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 19

O ai le Pologa Faamaoni ma le Faautauta?

O ai le Pologa Faamaoni ma le Faautauta?

E matou te maua uma aogā mai i a matou mea‘ai faaleagaga

A o lata i lona maliu, sa faia ai e Iesu se talanoaga e na o i latou ma ona soo e to‘afā—o Peteru, Iakopo, Ioane ma Aneterea. A o valoia e Iesu le faailoga o lona faatasi mai i aso e gata ai, na ia lāgā se fesili tāua: “O ai la le pologa faamaoni ma le faautauta, o lē ua tofia e lona matai e vaavaaia lana ‘aufaigaluega, e avatu a latou mea‘ai i le taimi tatau?” (Mataio 24:3, 45; Mareko 13:3, 4) Na faamautinoa atu e Iesu i ona soo e faapea, ona o ia o lo latou “matai,” o le a ia tofia ē e saunia le tele o taumafa faaleagaga mo ona soo i le taimi o le i‘uga. O ai e faia a‘e ai lenei pologa?

Se vaega to‘aitiiti o soo faauuina o Iesu. O le “pologa” e faasino atu i le Vaega Pule a Molimau a Ieova. O loo latou tufatufaina mai mea‘ai faaleagaga i le taimi tatau mo tagata tapua‘i o Ieova. E matou te faalagolago i lenei pologa faamaoni e aumaia pea mo i matou “mea‘ai e talafeagai i le taimi tatau.”—Luka 12:42.

E latou te tausia le aiga o le Atua. (1 Timoteo 3:15) Na tuu atu e Iesu i le pologa le tiute tauave tāua o le puleaina o le galuega a le vaega i le lalolagi o le faalapotopotoga a Ieova—e vaavaaia ana meatotino, faatonutonuina le galuega tala‘i, ma a‘oa‘oina i matou e ala mai i a matou faapotopotoga. O lea, ina ia saunia mai mea e matou te mana‘omia, o loo tufatufa mai e “le pologa faamaoni ma le faautauta” mea‘ai faaleagaga, e ala mai i lomiga o loo matou faaaogā i la matou tala‘iga, faapea polokalame o loo faia i a matou sauniga ma fonotaga.

O loo faamaoni le pologa i upu moni o le Tusi Paia ma lo latou tofiga ia tala‘i atu le tala lelei, ma e faautauta i le vaavaaia o mea a Keriso i le lalolagi. (Galuega 10:42) O loo faamanuia e Ieova le galuega a le pologa i le faateleina ma le anoanoa‘i o sauniuniga faaleagaga.—Isaia 60:22; 65:13.

  • O ai na tofia e Iesu e fafagaina faaleagaga ona soo?

  • I ā auala ua faamaoni ai ma faautauta le pologa?