Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 20

E Faapefea Ona Galulue le Vaega Pule i Aso Nei?

E Faapefea Ona Galulue le Vaega Pule i Aso Nei?

Le vaega pule i le ulua‘i senituri

Faitauina o le tusi mai le vaega pule

I le ulua‘i senituri, o se vaega to‘aitiiti o “le ‘auaposetolo ma toeaina i Ierusalema,” sa auauna o se vaega pule i le faia o faai‘uga tāua mo le faapotopotoga Kerisiano faauuina atoa. (Galuega 15:2) Afai e latou autasi i se faai‘uga, o le i‘uga lenā o le talanoaina o manatu o le Tusi Paia, ma le usiusita‘i i le ta‘ita‘iga a le agaga o le Atua. (Galuega 15:25) O le auala lava fo‘i lenā o loo mulimuli ai i aso nei.

O loo faaaogā e le Atua e faia lona finagalo. O uso faauuina o loo auauna i le Vaega Pule, e latou te matuā naunau i le Afioga a le Atua, ma e telē lo latou malamalama i le auala e taulima ai mataupu aogā ma faaleagaga. E latou te feiloa‘i i vaiaso ta‘itasi ina ia iloilo mana‘oga o le ‘auuso i le lalolagi atoa. E pei lava o le ulua‘i senituri, e latou te aumaia faatonuga e faavae mai i le Tusi Paia, e ala mai i ni tusi po o ovasia femalagaa‘i ma isi. O lenei faiga e autasi ai tagata o le Atua i manatu ma gaoioiga. (Galuega 16:4, 5) E vaavaaia e le Vaega Pule le sauniunia o taumafa faaleagaga, faalaeiau tagata ia faamuamua le galuega tala‘i, ma vaavaaia le tofiaina o uso i tulaga mo tiute tauave.

E latou te tali vave atu i le ta‘ita‘iga a le agaga o le Atua. E taula‘i atu le Vaega Pule i Lē e Pule Silisili Ese, o Ieova, ma le Ulu o le faapotopotoga, o Iesu, mo le ta‘ita‘iga. (1 Korinito 11:3; Efeso 5:23) E lē vāai sui ta‘itasi o le Vaega Pule iā i latou lava o ni ta‘ita‘i i tagata o le Atua. O i latou faatasi ma Kerisiano faauuina, e “mulimuli atu i le Tama‘i Mamoe [o Iesu] i mea uma e alu i ai o ia.” (Faaaliga 14:4) E matuā talisapaia e le Vaega Pule a matou tatalo mo i latou ma la latou galuega.

  • O ai sa iai i le vaega pule i le ulua‘i senituri?

  • E faapefea ona sa‘ilia e le Vaega Pule i aso nei le ta‘ita‘iga a le Atua?

Faitau Atili

O Ai na Faavaeina le Molimau a Ieova?

Faitau i le māfuaaga e faapea atu ai e leʻi faavaeina e Charles Taze Russell se tapuaʻiga fou.