Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 10

O le ā le Tapua‘iga a le Aiga?

O le ā le Tapua‘iga a le Aiga?

Korea i Saute

Pasili

Ausetalia

Guinea

Talu mai aso anamua, na finagalo ai Ieova i aiga ta‘itasi ia faaalu faatasi se taimi e atia‘e ai se faiā malosi ma ia, ma faamalosia ai o latou aiga. (Teuteronome 6:6, 7) O le pogai lenā e faataatia ese ai e Molimau a Ieova se taimi i vaiaso ta‘itasi e tapua‘i faatasi ai le aiga—e talanoa i se si‘omaga to‘afilemu mataupu faaleagaga e patino i o latou mana‘oga. E tusa pe e te nofo to‘atasi, ae e mafai ona faaaogā lelei lenā taimi e mafuta ai i le Atua, e ala i le su‘esu‘eina o le Tusi Paia i se mataupu ua e filifilia.

O se taimi e mafuta vavalalata ai iā Ieova. “Ia outou mafuta vavalalata atu i le Atua, ona mafuta vavalalata mai lea o ia iā te outou.” (Iakopo 4:8) E mafai ona tatou iloa lelei Ieova pe a a‘oa‘oina faamatalaga e uiga i ona uiga ma ana galuega e ala mai i lana Afioga le Tusi Paia. O le auala faigofie e amata ai le tapua‘iga a le aiga, o le faaalu lea o se taimi e faitau faatasi ai ma le leotele le Tusi Paia, atonu i le mulimuli i le faasologa o le vaiaso mo le A‘oga o le Faiva Faatiokarate. E mafai ona tofia sui ta‘itasi o le aiga e faitau mai se vaega o le Tusi Paia, ona talanoa faatasi uma lea po o le ā se manatu na a‘oa‘oina mai i le Tusi Paia.

O se taimi e mafuta vavalalata ai sui o le aiga. O tane ma avā, faapea mātua ma fanau, e faamalosia a latou faiā pe a su‘esu‘eina le Tusi Paia o se aiga. E tatau ona avea o se taimi fiafia, filemu ma e tulimata‘ia uma e le aiga i vaiaso ta‘itasi. E faalagolago i tausaga o a latou fanau, e mafai ona filifili e mātua mataupu aogā e talanoaina, atonu e faaaogā ai mataupu mai i Le Olomatamata ma le Ala Mai! po o luga fo‘i o la matou Upega tafa‘ilagi o le jw.org. E mafai ona outou talanoa e faatatau i se faafitauli na feagai ma lau fanau i le a‘oga, ma vaai po o le ā le auala e fo‘ia ai. Atonu e te fiafia e faata‘ita‘i pese o le a usuina i le sauniga, ma taumamafa faatasi pe a māe‘a le tapua‘iga a le aiga.

O lenei taimi faapitoa e faaaluina i vaiaso ta‘itasi e tapua‘i faatasi ai iā Ieova, o le a fesoasoani i le aiga atoa e maua ai le olioli i le su‘esu‘eina o le Afioga a le Atua, ma o le a Ia matuā faamanuia i a outou taumafaiga.—Salamo 1:1-3.

  • Aiseā e matou te faataatia ese ai se taimi mo le tapua‘iga a le aiga?

  • E faapefea i mātua ona faaaogā lenei taimi e avea ma taimi fiafia mo le aiga atoa?

Faitau Atili

Le Auala e Fiafia ai o Tatou Aiga

E mafai e tane, avā, mātua ma fanau ona faaaʻoaʻo i le alofa na faaalia e Iesu. O le ā e tatou te aʻoaʻoina mai iā te ia?