Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 7

E Faape‘ī a Matou Sauniga?

E Faape‘ī a Matou Sauniga?

Niu Sila

Iapani

Uganda

Lithuania

I sauniga a ulua‘i Kerisiano, sa usuina ai pese, fai tatalo, faitau ma iloilo mau o le Tusi Paia, e aunoa ma ni tū masani faalotu. (1 Korinito 14:26) E te faatalitalia la se mea e talitutusa faapena i a matou sauniga.

O faatonuga e faavae mai i le Tusi Paia ma e aogā. I faai‘uga o vaiaso, e feiloa‘i ai faapotopotoga ta‘itasi e faalogologo i se lauga faale-Tusi Paia e 30 minute, e iloa ai pe faapefea ona fesoota‘i le Tusi Paia i o matou olaga ma le taimi o loo tatou ola ai. E faalaeiauina i matou uma ia mulimuli i a matou Tusi Paia a o faagasolo le lauga. Pe a māe‘a le lauga, e tasi le itula e faaalu mo le Su‘esu‘ega o le “Olomatamata,” lea e valaaulia ai sui uma o le faapotopotoga e fai se sao a o talanoaina le mataupu mai le lomiga o Le Olomatamata mo su‘esu‘ega. E fesoasoani lenei talanoaga iā i matou ina ia faatatauina i o matou olaga le ta‘ita‘iga mai i le Tusi Paia. O loo su‘esu‘eina fo‘i le mataupu lava lea e tasi i le silia i le 110,000 isi faapotopotoga i le lalolagi aoao.

E fesoasoani iā i matou e faaleleia ai o matou tomai e a‘oa‘o atu. E iai fo‘i le sauniga i le ogatotonu o le vaiaso e tolu ona vaega. Muamua, o le Su‘esu‘ega Faale-Tusi Paia a le Faapotopotoga e 30 minute, o se talanoaga o fesili ma tali e faaloloto atili ai lo matou malamalamaga e uiga i mataupu silisili ma valoaga o le Tusi Paia. Ona sosoo ai lea ma le A‘oga o le Faiva Faatiokarate e 30 minute, e amata i le talanoaina o se vaega o le Tusi Paia lea e muamua ona faitauina e le faapotopotoga a o le‘i oo i le aso o le sauniga. Ona fai lea o ni lauga pupuu a tagata a‘oga ua uma ona tusia o latou igoa i le a‘oga. E aumai e le faia‘oga faufautua ni fautuaga ina ia faaleleia atili ai o matou tomai o le faitau ma le tautala. (1 Timoteo 4:13) E faai‘u i le Sauniga o le Auaunaga e 30 minute, lea e faia ai ni lauga, faata‘ita‘iga, ma faatalanoaga, e matou te iloa ai le auala e a‘oa‘oina ai isi i le Tusi Paia.

Pe a e auai i a matou sauniga, e mautinoa o le a e maofa i le maualuga o le tulaga taua‘oa‘oga faale-Tusi Paia o le a e mauaina.—Isaia 54:13.

  • O le ā e te faatalitalia o le a e faalogologo i ai i sauniga a Molimau a Ieova?

  • O lē fea o a matou sauniga faale-vaiaso o sosoo mai e te fia auai ai?

Faitau Atili

O ā Mea o Loo Faia i se Maota mo Sauniga?

Asiasi atu i ai mo lou silafia.