Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 5

O ā Mea o le a E Mauaina Mai i a Matou Sauniga Faa-Kerisiano?

O ā Mea o le a E Mauaina Mai i a Matou Sauniga Faa-Kerisiano?

Anitenitina

Sierra Leone

Peleseuma

Meleisia

E to‘atele tagata ua lē o toe auai i ni sauniga faalotu, ona e latou te lē o mauaina mai ai ni ta‘iala po o ni faamāfanafanaga faaleagaga. Aiseā la e tatau ai ona e auai i sauniga faa-Kerisiano a Molimau a Ieova? O ā mea o le a e mauaina mai ai?

Olioli faatasi ma tagata e alolofa ma manatu mamafa. I le ulua‘i senituri, sa faamaopoopo ai Kerisiano i faapotopotoga, ma na latou faia sauniga e tapua‘i ai i le Atua, su‘esu‘e le Tusi Paia, ma faalaeiau le tasi i le isi. (Eperu 10:24, 25) O le faatasitasi i se si‘omaga alofa, e latou te lagonaina ai o loo latou miomiō faatasi ma uō moni—o o latou uso ma tuafāfine faaleagaga. (2 Tesalonia 1:3; 3 Ioane 14) O loo matou mulimuli pea i na faatulagaga ma maua ai le olioli lava lenā e tasi.

Le aogā o le a‘oa‘oina o le auala e faatatau ai mataupu silisili o le Tusi Paia. E pei lava ona sa faia i taimi o le Tusi Paia, sa faapotopoto faatasi tane, fafine ma tamaiti. E faaaogā e faia‘oga agavaa le Tusi Paia e fesoasoani iā i matou, ia iloa le auala e faatatau ai mataupu silisili i o matou olaga i aso ta‘itasi. (Teuteronome 31:12; Neemia 8:8) E mafai ona fai se sao o tagata uma i le aofia i talanoaga, le usuina o pese, ma maua le avanoa e faailoa atu ai lo matou faamoemoe faa-Kerisiano.—Eperu 10:23.

Le faamanuiaga o le faamalosia o lou faatuatua i le Atua. I aso o le aposetolo o Paulo, na ia ta‘u atu ai i se tasi o faapotopotoga e faapea: “Ua ou matuā naunau lava e fia feiloa‘i ma outou, . . . ma ia tatou fefaalaeiaua‘i ai i le faatuatua, o outou atoa ma a‘u.” (Roma 1:11, 12) I a matou sauniga, e matou te feiloa‘i ai e lē aunoa ma o matou uso talitonu, e faamalosia ai lo matou faatuatua ma le naunau e ola i se olaga faa-Kerisiano.

Aiseā e te lē taliaina ai lenei valaaulia e auai i le isi a matou sauniga e sosoo ai, ma e iloa ai le moni o nei mea? E talia ma le māfana oe. E lē totogiina nei sauniga, ma e lē aoina ai fo‘i ni peleti.

  • O le ā le faaa‘oa‘oga o loo mulimuli ai a matou sauniga?

  • E faapefea ona matou maua aogā i le auai i sauniga faa-Kerisiano?

Faitau Atili

O ā Mea o Loo Faia i se Maota mo Sauniga?

Asiasi atu i ai mo lou silafia.

Sauniga a Molimau a Ieova

Saʻili le nofoaga e fai ai a matou sauniga, faapea le auala e fai ai matou tapuaʻiga.