Skip to content

Skip to secondary menu

Skip to table of contents

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 LESONA 17

E Faapefea Ona Fesoasoani Ovasia Matagaluega iā i Matou?

E Faapefea Ona Fesoasoani Ovasia Matagaluega iā i Matou?

Malawi

Vaega mo le talaʻiga

Galuega talaʻi

Fono a toeaina

E masani ona taʻua i Tusitusiga Kerisiano Eleni ia Panapa ma le aposetolo o Paulo. O nei tane sa auauna o ni ovasia femalagaaʻi, na asiasi atu i uluaʻi faapotopotoga. Aiseā? Ona sa la manatu mamafa moni mo le lelei o o la uso faaleagaga. Na faapea mai Paulo sa manaʻo “e toe foʻi e asiasi i uso” po o ā mai i latou. Na lotomalie o ia e malaga mo le faitau selau o maila [km] ina ia alu atu ma faamalosiau i latou. (Galuega 15:36) O le faanaunauga foʻi lenā o loo iai i a matou ovasia femalagaaʻi i aso nei.

E latou te asiasi mai e faalaeiau i matou. O ovasia matagaluega e faalua i le tausaga ona asiasi atu pe ā ma le 20 faapotopotoga, ma faaalu le vaiaso faatasi ma faapotopotoga taʻitasi. E matou te mauaina le tele o aogā mai i tala o mea na tutupu i nei uso, ma afai ua faaipoipo e maua foʻi aogā mai i a latou avā. E latou te taumafai e faamasani i ē matutua atoa ma ē iti, ma e naunau e galulue faatasi ma i matou i le galuega talaʻi faapea a matou suʻesuʻega faale-Tusi Paia. O nei ovasia e faia asiasiga faaleoleo mamoe faatasi ma toeaina, ma faia lauga faalaeiau i sauniga ma fonotaga ina ia faamalosia ai i matou.Galuega 15:35.

E latou te faaalia le naunau i tagata uma. E naunau moni ovasia matagaluega i le itu faaleagaga o faapotopotoga. E latou te feiloaʻi ma toeaina ma auauna o le faiva ina ia toe tilofaʻia le agaʻigaʻi i luma o le faapotopotoga, ma avatu fautuaga aogā i le auala e taulima ai o latou tiute tauave. E latou te fesoasoani i paeonia ina ia taulau manuia i la latou faiva, ma e fiafia e feiloaʻi atu i ē fou ma faalogo atu i lo latou agaʻigaʻi i luma faaleagaga. E ofo mai e nei uso taʻitoʻatasi i latou lava e matou te “galulue faatasi mo lo [matou] lelei.” (2 Korinito 8:23) E tatau ona matou faataʻitaʻi i lo latou faatuatua ma le tuutoina i le Atua.Eperu 13:7.

  • O le ā le fuafuaga e asiasi ai ovasia matagaluega i faapotopotoga?

  • E faapefea ona e maua aogā mai i a latou asiasiga?

Faitau Atili

O AI O LOO FAIA LE FINAGALO O IEOVA I ASO NEI?

Aiseā e Auai ai Molimau a Ieova i Fonotaga Tetele?

I tausaga taʻitasi, e faatolu ona matou faapotopoto faatasi mo faatasiga faapitoa. E faapefea ona e maua aogā i na faatasiga?

O AI O LOO FAIA LE FINAGALO O IEOVA I ASO NEI?

E Faapefea Ona Faamaopoopo e Molimau a Ieova la Latou Galuega Talaʻi?

E tatou te mulimuli i le faaaʻoaʻoga na faataatia e Iesu a o iai i le lalolagi. O ā nisi auala e talaʻi ai?