Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 13

O ai le Tagata ua Ta‘ua o se Paeonia?

O ai le Tagata ua Ta‘ua o se Paeonia?

Kanata

Mai lea fale i lea fale

Su‘esu‘ega faale-Tusi Paia

Su‘esu‘ega a le tagata lava ia

O le ta‘u “paeonia” e masani ona faasino atu i ē e sa‘ilia oganuu fou, ma tatalaina se ala mo isi e mulimuli i ai. Sa pei Iesu o se paeonia, e ala i le auina mai i le lalolagi ina ia faatino se galuega faasaoola ma tatala le ala i le faaolataga. (Mataio 20:28) I aso nei, o loo faaa‘oa‘o ona soo iā te ia e ala i le faaalu o le taimi i le tele e mafai ai e ‘faia isi ma soo.’ (Mataio 28:19, 20) O nisi ua mafai ona auai i le auaunaga e ta‘ua o le auaunaga faapaeonia.

O le paeonia o se tagata e tala‘i faataimi atoa. O Molimau a Ieova uma o tagata tala‘i o le tala lelei. Peita‘i, o isi ua faatulaga o latou olaga e auauna o ni paeonia sauatoa, e faaalu le 70 itula i masina ta‘itasi i le galuega tala‘i. Ina ia faia faapea, o le to‘atele lava ua faatapulaa a latou galuega totogi i le galulue faavaitaimi. O isi ua filifilia e galulue o ni paeonia faapito i vaipanoa o loo tele ai le mana‘oga mo tagata tala‘i o le Malo, e faaalu le 130 itula pe sili atu i masina ta‘itasi i le tala‘iga. E lotomalilie paeonia e ola i se olaga faigofie, ma mautinoa o le a saunia e Ieova mea e latou te mana‘omia i le olaga. (Mataio 6:31-33; 1 Timoteo 6:6-8) O ē e lē mafai ona paeonia faataimi atoa, e ono galulue o ni paeonia lagolago pe a mafai, ma faateleina lo latou sao i le tala‘iga i le 30 pe 50 itula i se masina.

E uuna‘ia se paeonia i le alofa i le Atua ma tagata. I le pei o Iesu, ua matou mātauina e to‘atele tagata i aso nei o loo matuā mana‘omia ona iloa le Atua ma lona finagalo. (Mareko 6:34) Ae ua iā i matou le poto lea e mafai ona fesoasoani iā i latou i le taimi nei, ma avatu ai iā i latou se faamoemoe mautū mo le lumana‘i. O le alofa i tuaoi e uuna‘ia ai se paeonia e foa‘i atu ma le lotomalie lona taimi ma le malosi e fesoasoani ai i isi i le itu faaleagaga. (Mataio 22:39; 1 Tesalonia 2:8) O le i‘uga, e faamalosia ai le faatuatua o le paeonia, atili ai ona mafuta vavalalata atu i le Atua, ma tofo ai i le tele o le olioli.—Galuega 20:35.

  • E faapefea ona e faamatalaina se paeonia?

  • O le ā e uuna‘ia ai nisi e paeonia faataimi atoa?