Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 1

O ā Ituaiga Tagata e Iai Molimau a Ieova?

O ā Ituaiga Tagata e Iai Molimau a Ieova?

Tenemaka

Taiwan

Venezuela

Initia

E to‘afia ni Molimau a Ieova e te silafiaina? O nisi o i matou atonu o ni ou tuaoi, faigaluega pe a‘o‘oga faatasi. Pe atonu fo‘i na matou faia muamua se talanoaga faale-Tusi Paia faatasi ma oe. O ai moni lava i matou, ma aiseā e matou te faasoa atu ai i le lautele o matou talitonuga?

O i matou o tagata e pei fo‘i o outou. E eseese o matou talaaga ma tulaga. O nisi o i matou na auai muamua i nisi lotu, a o nisi e le‘i talitonu i le Atua. Peita‘i, a o le‘i avea ma Molimau a Ieova, sa matou faaaluina le tele o le taimi e su‘esu‘e māe‘ae‘a ai a‘oa‘oga a le Tusi Paia. (Galuega 17:11) Na matou ioeina mea na a‘oa‘oina ma faia loa se filifiliga e tapua‘i atu iā Ieova le Atua.

Ua matou maua aogā mai le su‘esu‘eina o le Tusi Paia. I le pei o le to‘atele, e ao ona matou taulimaina o matou lava faafitauli ma vaivaiga. Ae o le taumafai e faatatau mataupu silisili o le Tusi Paia i o matou olaga i aso uma, ua matou tofo ai i suiga mata‘ina i o matou olaga. (Salamo 128:1, 2) O se tasi lea o māfuaaga e matou te faasoa atu ai i isi mea lelei ua matou a‘oa‘oina mai le Tusi Paia.

E matou te ola e tusa ai ma tapulaa a le Atua. O nei tapulaa e pei ona a‘oa‘oina i le Tusi Paia, e fesoasoani mo lo matou lelei ma faaalia ai le faaaloalo i isi, faapea uiga e pei o le faamaoni ma le agalelei. E fesoasoani nei tapulaa i le aga‘iga‘i i luma ma le mauaina o ni olaga lelei o tagata lautele, ma faalaeiau le autasi ma amioga mamā i le aiga. Talu ai ua matou talitonu “e lē faailogaina tagata e le Atua,” ua matou auai ai i se aiga faavaomalo o se ‘auuso faaleagaga, e sa‘oloto mai i le faailoga tagata ma faiga faapolotiki. E ui lava o i matou o tagata e pei fo‘i o isi, ae o i matou o ni tagata e mata‘ina i le vaaiga a isi.—Galuega 4:13; 10:34, 35.

  • O le ā le mea e tutusa ai Molimau a Ieova ma isi tagata?

  • O ā tapulaa ua a‘oa‘oina e Molimau a Ieova mai i le Tusi Paia?

Faitau Atili

Ia Faafiafia le Atua i o Tatou Olaga

E mafai ona e ola i se auala e faafiafiaina ai Ieova. O le mea moni, e mafai ona avea oe ma ana uō.

Le Tapuaʻiga e Talia e le Atua

Seʻi iloilo vala e ono e iloa ai i latou o loo auai i le tapuaʻiga moni.