Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 12

E Faapefea Ona Faamaopoopo la Matou Galuega Tala‘i o le Malo?

E Faapefea Ona Faamaopoopo la Matou Galuega Tala‘i o le Malo?

Sepania

Belarus

Hong Kong

Peru

A o lata i lona maliu, na fetalai ai Iesu: “O le a tala‘iina atu lenei tala lelei o le malo i le lalolagi atoa e fai ma molimau i atunuu uma; ona oo mai ai lea o le i‘uga.” (Mataio 24:14) Ae ua faapefea ona faataunuuina lenei galuega tala‘i i le lalolagi aoao? E ala i le mulimuli i le faaa‘oa‘oga na faataatia e Iesu a o iai i le lalolagi.—Luka 8:1.

E matou te taumafai e faafesoota‘i tagata i o latou fale. Na a‘oa‘o e Iesu ona soo ia tala‘i atu le tala lelei mai lea fale i lea fale. (Mataio 10:11-13; Galuega 5:42; 20:20) O na tagata tala‘i i le ulua‘i senituri na tofia i oganuu faapitoa e tatau ona tala‘i ai. (Mataio 10:5, 6; 2 Korinito 10:13) E faapena fo‘i i aso nei, ua faamaopoopo lelei la matou galuega tala‘i, ma ua tofu lava faapotopotoga ta‘itasi ma oganuu ua tofia e latou te galulue ai. O lea auala ua mafai ai ona matou faataunuuina le faatonuga a Iesu ia “tala‘i atu i tagata ma molimau māe‘ae‘a.”—Galuega 10:42.

E matou te taumafai ia oo i tagata po o fea lava e maua ai. Na faataatia fo‘i e Iesu le faaa‘oa‘oga e ala i le tala‘i atu i tagata i le lautele, e pei o luga o le matafaga po o se vaieli. (Mareko 4:1; Ioane 4:5-15) E matou te talanoa fo‘i i tagata e uiga i le Tusi Paia po o fea lava e maua ai—i alatetele, i nofoaga o pisinisi, i paka po o le telefoni. E matou te molimau fo‘i i o matou tuaoi, tagata e faigaluega ma a‘oa‘oga faatasi, ma tauaiga pe a maua se avanoa talafeagai. O nei taumafaiga uma ua mafai ai ona faalogo le faitau miliona o tagata i le lalolagi aoao i “le tala lelei o le faaolataga.”—Salamo 96:2.

Pe e mafai ona e mafaufau i se tasi e te mana‘o e faasoa atu i ai le tala lelei o le Malo o le Atua, ma le aogā o lenā tala lelei i lona lumana‘i? Se‘i aua lava ne‘i e taofia le faailoa atu o lenei fe‘au o le faamoemoe. Ia faailoa atu i isi i le vave e te mafai ai!

  • O le ā le “tala lelei” e tatau ona faalauiloa atu?

  • Ua faapefea ona faaa‘oa‘o Molimau a Ieova iā Iesu i le auala e tala‘i ai?