Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 11

Aiseā e Matou te Auai ai i Fonotaga Tetele?

Aiseā e Matou te Auai ai i Fonotaga Tetele?

Mekisikō

Siamani

Botswana

Nicaragua

Italia

Aiseā e foliga fiafia ai nei tagata? O loo latou auai i se tasi o a matou fonotaga. I le pei o auauna a le Atua i aso ua mavae, o ē na faatonuina ia faapotopoto faatolu i le tausaga, e matou te tulimata‘i fo‘i e faapotopoto faatasi i vaega to‘atele. (Teuteronome 16:16) I tausaga ta‘itasi, e tolu a matou faatasiga tetele: e lua fonotaga matagaluega e ta‘itasi aso, ma se tauaofiaga itumalo e tolu aso. E faapefea ona aogā iā i matou nei faatasiga?

E faamalosia ai lo matou ‘auuso Kerisiano. E pei ona sa olioli tagata Isaraelu e vivii atu iā Ieova “i totonu o faapotopotoga,” e matou te fiafia fo‘i e tapua‘i faatasi atu iā te ia i faatasiga faapitoa. (Salamo 26:12; 111:1) O nei faatasiga e maua ai avanoa e feiloa‘i ma faatasitasi ai ma Molimau mai i isi faapotopotoga pe mai i isi atunuu. I le aoauli, e matou te aai fiafia faatasi i le nofoaga o loo faia ai le fonotaga, ma maua atili ai se si‘omaga faaleuō i nei faatasiga faaleagaga. (Galuega 2:42) I na fonotaga tetele e matou te tofo ai i le alofa, lea e autasia ai lo matou “‘auuso atoa” i le lalolagi.—1 Peteru 2:17.

E fesoasoani e matou te aga‘iga‘i ai i luma faaleagaga. Sa maua fo‘i e tagata Isaraelu aogā e ala i le “malamalama i upu” o le Tusi Paia na faamatala atu iā i latou. (Neemia 8:8, 12) E matou te talisapaia fo‘i faatonuga mai i le Tusi Paia e maua mai i a matou fonotaga. O polokalame ta‘itasi e faavae mai i se matua faale-Tusi Paia. E ala mai i lauga mananaia, lauga faasolo ma le toe faaataina o mea moni na tutupu, e matou te a‘oa‘oina ai le auala e fai ai le finagalo o le Atua i o matou olaga. E faalaeiauina i matou pe a faalogo atu i tala i mea na tutupu, i ē na taulau i le onosaia o le lu‘i o le avea o ni Kerisiano i nei taimi faigatā. I tauaofiaga itumalo, o tala faatino e atili ai ona moni iā i matou tala o le Tusi Paia, ma matou a‘oa‘oina ai lesona aogā. E faia i fonotaga uma se papatisoga mo ē e manana‘o e faailoga lo latou tuuina atu i le Atua.

  • Aiseā e avea ai fonotaga o ni taimi fiafia?

  • E mafai faapefea ona e maua aogā i le auai i se fonotaga?