Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 24

E Faapefea Ona Faatupe la Matou Galuega i le Lalolagi Aoao?

E Faapefea Ona Faatupe la Matou Galuega i le Lalolagi Aoao?

Nepale

Togo

Peretania

Ua lomia ma tufatufaina atu e la matou faalapotopotoga le faitau selau miliona o Tusi Paia, ma isi lomiga i tausaga uma lava e aunoa ma se totogi. E matou te fausia ma faaleleia Maota mo Sauniga ma ofisa o lālā. E matou te tausia fo‘i le faitau afe o tagata Peteli ma misionare, ma saunia fesoasoani i taimi o mala. Atonu la e te taumānatu, ‘E faapefea ona faatupe nei mea uma?’

E lē faia ni a matou sefulua‘i, totogi se tupe pe aoina se peleti. E ui ina maualuga le aofa‘i o tupe e lagolagoina ai la matou galuega faaevagelia, ae e lē faia ni a matou su‘ega tupe. E silia ma le senituri ua mavae, na ta‘ua ai i le lomiga lona lua o le mekasini o le Watchtower e faapea, e matou te talitonu o loo lagolagoina e Ieova i matou, ma o le pogai lenā e “lē taitai ai ona matou ‘aisi pe talosagaina se fesoasoani a isi”—ma e matou te lē o faia lava!—Mataio 10:8.

O loo lagolagoina a matou galuega i foa‘i tauofo. E to‘atele tagata e latou te talisapaia la matou galuega taua‘oa‘oga faale-Tusi Paia, ma foa‘i mai fesoasoani tau tupe. E foa‘i atu ma le lotomalilie e Molimau a Ieova o latou taimi, malosi, tupe, ma isi alagā‘oa ina ia faia ai le finagalo o le Atua i le lalolagi atoa. (1 Nofoaiga a Tupu 29:9) O loo iai i Maota mo Sauniga ma Maota mo Fonotaga ma Tauaofiaga, pusa mo meaalofa e foa‘i ai tupe a i latou e manana‘o e faia faapea. E masani lava, o i latou e faia foa‘i e lē o ni tagata mauoloa, ae e pei o le fafine mativa lea sa ta‘uleleia e Iesu na lafoina ni tupe iti se lua, i le pusa tupe o le malumalu. (Luka 21:1-4) O lea, e mafai e so o se tasi ona “tuu ese se mea,” ma e faia “e tusa ma le mea ua filifili i lona loto.”—1 Korinito 16:2; 2 Korinito 9:7.

E matou te talitonu o le a faaauau pea ona uuna‘ia e Ieova loto o i latou e manana‘o e ‘āva iā te Ia i a latou ‘oa,’ ina ia lagolagoina ai le galuega o le Malo ona faataunuuina ai lea o lona finagalo.—Faataoto 3:9.

  • O le ā le mea e ese mai ai la matou faalapotopotoga mai i isi lotu?

  • E faapefea ona faaaogā foa‘i tautupe?

Faitau Atili

A Matou Mekasini

Kopi (download) mekasini o Le Olomatamata ma le Ala Mai!