Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 6

O ā Aogā e Matou te Maua i le Auaufaatasi ma Uso Kerisiano?

O ā Aogā e Matou te Maua i le Auaufaatasi ma Uso Kerisiano?

Malakasa

Nouē

Lepanona

Italia

E tusa pe tauasa ma ui atu i totonu o vaomatua, pe e matuā leaga fo‘i le tau, ae e matou te auai pea i a matou sauniga faa-Kerisiano. Po o ā lava lu‘i o le olaga e fesaga‘ia pe e vaivai fo‘i i le māe‘a ai o galuega o le aso, ae aiseā e taumafai ai lava Molimau a Ieova e faatasitasi ma o latou uso talitonu?

E mo lo matou lelei. Na tusi Paulo e uiga i ē o loo matou auaumea i le faapotopotoga, ‘Ia manatunatu fo‘i le tasi i le isi.’ (Eperu 10:24) O le uiga o lenei faaupuga “ia manatunatu ma le faaeteete,” o le iloa lelei lea e le tasi o le isi. O loo faalaeiau la i tatou i upu a le aposetolo ia manatu mamafa e uiga i isi. E ala i le faamasani atu i isi aiga Kerisiano, e matou te iloa ai nisi o i latou sa taulau manuia i le onosaia o lu‘i e talitutusa ma lu‘i o loo matou fesaga‘ia, ma e fesoasoani iā i matou e taulau manuia ai fo‘i.

E atia‘e ai faauōga tumau. I a matou sauniga, e matou te faapotopoto faatasi ai, e lē tau ina ia feiloa‘i, ae o se faatasiga ma uō vavalalata. O nisi taimi, e matou te faatasitasi ai mo ni nai faafiafiaga ma faiga mālōlōga e aogā. O ā aafiaga aogā e maua mai i nei faatasiga? E matou te a‘oa‘oina ai le talisapaia e le tasi o le isi, ma faamalosia ai la matou fusi o le alofa. O lea, pe afai e fesaga‘ia e o matou uso faafitauli, e matou te nofosauni e fesoasoani atu iā i latou, talu ai ua iai ni a matou faauōga māfana. (Faataoto 17:17) E ala i le auaumea faatasi ma isi sui uma o le faapotopotoga, e faaalia ai o loo matou ‘fetausia‘i i o matou itutino.’—1 Korinito 12:25, 26.

E matou te faalaeiauina oe e filifili ia avea i latou o loo faia le finagalo o le Atua ma au uō. O le a e maua na ituaiga uō i Molimau a Ieova. Faamolemole, ia aua ne‘i iai se mea e taofia ai oe mai le auaufaatasi ma i matou.

  • Aiseā e tāua ai ona matou faatasitasi i sauniga?

  • O afea o le a e taumafai e iloa lelei ai la matou faapotopotoga?

Faitau Atili

O ā mea e Faia i ā Matou Sauniga?

Ia iloa le auala e matou te tapuaʻi ai.