Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 14

O ā A‘oga ua Saunia mo Paeonia?

O ā A‘oga ua Saunia mo Paeonia?

Iunaite Setete

A‘oga o Kiliata, Patterson, Niu Ioka

Panama

Ua loa tausaga o iloga Molimau a Ieova i a latou a‘oga faale-Tusi Paia. Ua saunia ni a‘oga faapitoa mo i latou ua faaalu lo latou taimi atoa i le tala‘ia o le Malo, ina ia mafai ai ona ‘faia ma le māe‘ae‘a la latou faiva.’—2 Timoteo 4:5.

A‘oga mo le Auaunaga Paeonia. Pe a māe‘a se tausaga atoa o auauna pea se tasi o se paeonia sauatoa, ona agavaa lea e auai i se a‘oga e faia mo aso e ono, i se Maota mo Sauniga e lata ane i lona vaipanoa. O le fuafuaga o lenei a‘oga, ina ia fesoasoani i le paeonia e mafuta vavalalata atu iā Ieova, ia uigā lana faiva, ma ia tumau pea ma le faamaoni i lana auaunaga.

A‘oga mo Tagata Tala‘i o le Malo. E lua masina e faia ai lenei a‘oga, ma e toleniina ai paeonia ua lava le poto masani, o ē ua lotomalilie e tuua o latou aiga ina ia auauna i se vaipanoa o loo tele ai le mana‘oga. Ua faaa‘oa‘o i latou nei i lē na auauna o se Faievagelia sili i le lalolagi, o Iesu, e ala i le faapea atu: “O a‘u lenei! Inā auina atu ia a‘u.” (Isaia 6:8; Ioane 7:29) O le auauna i isi vaipanoa e ono aofia ai le faamasani i se olaga faafaigofie. Atonu e mana‘omia fo‘i ona faamasani i le aganuu, le tau, o mea‘ai, ma a‘oa‘oina se isi gagana fou. E fesoasoani lenei a‘oga i uso ma tuafāfine nofofua ma ulugalii ua 23 i le 65 tausaga le matutua, e atia‘e uiga faaleagaga e mana‘omia mo la latou auaunaga, aemaise o tomai e mafai ona aogā i le auaunaga iā Ieova ma lana faalapotopotoga.

A‘oga Faale-Tusi Paia a le Olomatamata o Kiliata. I le gagana Eperu, o le upu “Kiliata” e uiga atu i ni “Molimau e To‘atele.” Talu ona faavaeina le A‘oga o Kiliata i le 1943, ua silia ma le 8,000 i latou na a‘oa‘oina ai ua auina atu o ni misionare e avatu se molimau i “tulu‘iga uma o le lalolagi,” ma e tele i‘uga lelei ua maua mai ai. (Galuega 13:47) Ina ua faato‘ā taunuu misionare i le atunuu o Peru, sa le‘i iai ni faapotopotoga i inā. Peita‘i, ua silia nei ma le 1,000 faapotopotoga. Ina ua faato‘ā taunuu fo‘i misionare i Iapani, e le‘i atoa se to‘asefulu o tagata tala‘i i lenā atunuu. Peita‘i ua silia nei ma le 200,000 tagata tala‘i. O le A‘oga o Kiliata e faia mo le lima masina, ma e aofia ai le su‘esu‘eina māe‘ae‘a o le Afioga a le Atua. O lenei a‘oga e maua ai ni toleniga e sili ona lelei, e fesoasoani e faatumauina ma faamalosia ai le galuega tala‘i i le lalolagi aoao. E mafai ona auai i lenei a‘oga i latou o loo avea ma paeonia faapito, misionare i oganuu, o ē galulue i ofisa o lālā, po o i latou fo‘i o loo iai i le galuega femalagaa‘i.

  • O le ā le fuafuaga o le A‘oga mo le Auaunaga Paeonia?

  • O ai ua fuafuaina i ai le A‘oga mo Tagata Tala‘i o le Malo?

Faitau Atili

Toleniina o Tagata Talaʻi o le Malo

Ua faapefea i aʻoga faatiokarate ona sauniunia ai tagata talaʻi o le Malo e faataunuu o latou faaeaga?