Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

O Ai o Loo Faia le Finagalo o Ieova i Aso Nei?

 Lesona 2

Aiseā ua Ta‘ua ai i Matou o Molimau a Ieova?

Aiseā ua Ta‘ua ai i Matou o Molimau a Ieova?

Noa

Aperaamo ma Sara

Mose

Iesu Keriso

E manatu le to‘atele o Molimau a Ieova o le igoa o se tapua‘iga fou. Peita‘i, i le silia ma le 2,700 tausaga ua mavae, na ta‘ua ai auauna a le Atua moni e to‘atasi o ana “molimau.” (Isaia 43:10-12) E oo mai i le tausaga 1931, sa iloa i matou o Tagata A‘oga o le Tusi Paia. Aiseā ua suia ai lo matou igoa i Molimau a Ieova?

E iloa ai lo matou Atua. E tusa ai ma faamaumauga i manusikulipi mai anamua, e silia i le fitu afe taimi o loo ta‘ua ai i le Tusi Paia le suafa o le Atua, o Ieova. O le tele o faaliliuga ua suia ai lenei igoa i faalupega e pei o le Alii po o le Atua. Peita‘i, na faailoa atu e le Atua moni lona lava suafa o Ieova iā Mose, i lona fetalai atu: “O lo‘u igoa lenā e faavavau.” (Esoto 3:15) O lenei auala na faaesea ai e le Atua o ia lava mai i atua sesē uma. E matou te mitamita e tauave le suafa paia o le Atua.

E faamatala ai la matou galuega. Na amata mai lava i aso anamua i le tagata amiotonu o Apelu, se faasologa umi o tagata sa avatu se molimau e faatatau i lo latou faatuatua iā Ieova. A o faagasolo le tele o senituri, sa auaufaatasi atu Noa, Aperaamo, Sara, Mose, Tavita ma isi i lenei “vaega e to‘atele o molimau.” (Eperu 11:4–12:1) E pei lava ona avatu e se tagata se molimau i le faamasinoga mo se tagata e le‘i faia se solitulafono, e matou te maumaua‘i fo‘i e faailoa atu le upu moni e faatatau i lo matou Atua.

Ua matou faaa‘oa‘o iā Iesu. Ua ta‘ua i le Tusi Paia Iesu “o le molimau faamaoni ma moni.” (Faaaliga 3:14) Na ta‘ua e Iesu sa ia ‘faailoa atu le suafa o le Atua,’ ma ‘molimau atu pea i le upu moni’ e faatatau i le Atua. (Ioane 17:26; 18:37) O lea la, e tatau fo‘i i soo moni o Keriso ona latou molimau ma faailoa atu le suafa o Ieova. O loo faaauau pea ona faia e Molimau a Ieova lenā galuega.

  • Aiseā na suia ai le igoa o Tagata A‘oga o le Tusi Paia i le ta‘u Molimau a Ieova?

  • O le ā le umi talu ona iai Molimau a Ieova i le lalolagi?

  • O ai le Molimau sili a Ieova?

Faitau Atili

Le Uiga o le Suafa o le Atua ma le Auala e Taʻu Ai

Ua aveesea le suafa o le Atua mai i le tele o faaliliuga o le Tusi Paia. Aiseā? Pe e tāua le faaaogāina o le suafa o le Atua?