Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tali i Fesili e 10 a Talavou

 FESILI 4

E Faapefea Ona Ou Faasaʻo Aʻu Mea Sesē?

E Faapefea Ona Ou Faasaʻo Aʻu Mea Sesē?

MĀFUAAGA E TĀUA AI

O le taʻutino atu o au mea sesē, o le a atili ai ona talitonuina oe e tagata.

O LE Ā E TE FAIA?

Se mea e ono tupu: Ua togi e Tim le polo a o taaalo ma ana uō, ma ua taʻe ai le tioata o le taavale a le tuaoi.

Pe ana faapea o oe o Tim, o le ā e te faia?

IA NOFO MA MAFAUFAU LELEI

E TOLU MEA E MAFAI ONA E FAIA:

  1. 1. Sola ese.

  2. 2. Tuuaʻia se isi tagata.

  3. 3. Taʻu i le tuaoi le mea na tupu, ma fai i ai o le a e totogiina le mea ua faaleagaina.

E ono faaosoosoina oe e fai le Auala 1. Ae e iai māfuaaga talafeagai e lelei ai lou taʻutino o au mea sesē, e tusa pe e na o se faamalama ua taʻe po o se isi lava mea sesē e te faia.

 MĀFUAAGA E TOLU E TATAU AI ONA TAʻUTINO ATU AU MEA SESĒ

  1. 1. O le mea e tatau ona fai.

    Ua faapea mai le Tusi Paia: “Ia faia mea uma ma le faamaoni.”—Eperu 13:18.

  2. 2. E tele ina faamagalo e tagata ē e taʻutino atu a latou mea sesē.

    Ua faapea mai le Tusi Paia: “O lē ua ufiufi i ana solitulafono e lē taulau manuia o ia, a o lē e taʻutino atu ma lafoaʻi ia mea, o le a faaalia i ai le alofa mutimutivale.”—Faataoto 28:13.

  3. 3. O le māfuaaga e sili ona tāua, e faafiafiaina ai le Atua.

    Ua faapea mai le Tusi Paia: “E inosia e Ieova le tagata fai mea piʻopiʻo, ae e mafuta vavalalata atu o Ia i ē ua amio saʻo.”—Faataoto 3:32.

Na taumafai Karina e nanā ma lē taʻuina atu i lona tamā, sa molia o ia i le avetaavale saoasaoa. Ae e leʻi mafai ona ia nanāina mo se taimi umi le mea na tupu. Ua faapea mai Karina: “Pe ā ma le tausaga mulimuli ane, ae iloa e loʻu tamā na molia aʻu i le avetaavale saoasaoa. Na matuā ita ai lava loʻu tamā iā te aʻu.”

O le ā le lesona na aʻoaʻoina mai ai e Karina? Ua faapea mai o ia: “O le lē faailoaina atu o mea sesē e na o le faateteleina ai o le faafitauli. E te toe tigāina ai i se taimi mulimuli ane.”

IA AʻOAʻOINA NI LESONA MAI I AU MEA SESĒ

Ua faapea mai le Tusi Paia: “E sesē i tatou uma i mea e tele.” (Iakopo 3:2) O le taʻutino atu foʻi o au mea sesē ma ia vave ona faia faapea, o se faailoga lea o le lotomaulalo ma le faatagata matua i le mafaufau.

O le isi laasaga, o le aʻoaʻoina lea o ni lesona mai i au mea sesē. Na faapea mai se tamaʻitaʻi e igoa iā Vera: “Ou te taumafai e vaai i mea sesē taʻitasi ou te faia o se avanoa e aʻoaʻoina mai ai ni mea. O lesona ou te maua mai i se mea sesē na ou faia, e fesoasoani iā te aʻu e faaleleia ai oʻu uiga, ma taulima le faafitauli i se isi auala pe a toe tulaʻi mai.” Seʻi o tatou iloilo pe e faapefea ona e faia lenā mea.

Ua e faaaogāina le uila a lou tamā ma ua leaga ai iā te oe. O le ā lau mea o le a fai?

  • Aua le taʻuina i lou tamā ma faamoemoe e na te lē iloa.

  • Taʻu i lou tamā le mea tonu na tupu.

  • Taʻu i lou tamā le mea na tupu ae tuuaʻi se isi tagata.

Ua lē pasi lau suʻega ona e te leʻi sauniuni lelei. O le ā lau mea o le a fai?

  • Tuuaʻi faapea ua faigatā tele le suʻega.

  • Tuuaʻia oe lava i le lē pasi o lau suʻega.

  • Tuuaʻia le faiaʻoga faapea e iai se mea e lē fiafia ai iā te oe.

O le mafaufau pea i mea sesē sa e faia i le taimi ua teʻa, e tai pei o le tilotilo i le faata i mea o loo i tua a o e aveina se taavale

 Toe iloilo faataʻitaʻiga na taʻua muamua ma taumafai e faaāta i lou mafaufau o oe (1) o lou tamā ma (2) o le faiaʻoga. O le ā so la manatu pe afai e vave ona e taʻuina atu au mea sesē? O le ā so la manatu e uiga iā te oe, pe afai e te lē taʻu atu au mea sesē?

Seʻi mafaufau i se mea sesē sa e faia i totonu o le 12 masina ua mavae, ma tali fesili o loo mulimuli mai.

O le ā le mea sesē? Na faapefea ona e taulimaina lenā mea sesē?

  • Ou te leʻi faailoaina atu.

  • Na ou tuuaʻia se isi tagata.

  • Na vave ona ou taʻutino atu.

Pe afai e te leʻi taʻutino atu lau mea sesē, o ā ni ou faalogona mulimuli ane?

  • Ua ou fiafia e leʻi maua aʻu.

  • Lagona le nofosala. Sa tatau lava ona ou taʻuina atu le mea sesē na fai.

O le ā se isi auala e sili atu sa ono mafai ona e taulimaina ai le mea na tupu?

O le ā na e aʻoaʻoina mai i lau mea sesē na fai?

O LE Ā SOU MANATU?

Aiseā e lē mananaʻo ai nisi tagata e taʻutino atu a latou mea sesē?

O le ā le manatu o tagata e uiga iā te oe, pe a e taumafai e nanā i taimi uma au mea sesē? Ae o le ā so latou manatu pe a e taʻutino atu au mea sesē?—Luka 16:10.