Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tali i Fesili e 10 a Talavou

 FESILI 10

E Faapefea Ona Fesoasoani le Tusi Paia iā te Aʻu?

E Faapefea Ona Fesoasoani le Tusi Paia iā te Aʻu?

MĀFUAAGA E TĀUA AI

Ua faapea mai le Tusi Paia, “o Tusitusiga Paia uma e mai i le agaga o le Atua.” (2 Timoteo 3:16) Pe afai e moni lea manatu, e mafai la e le Tusi Paia ona saunia mai taʻiala e te manaʻomia.

O LE Ā E TE FAIA?

Se mea e ono tupu: A o alu le taavale a David, ua oo atu o ia i se vaipanoa e matuā lē masani ai lava. Ua ia iloa i faailoilo o le auala ma vaaiga mataʻina i lea vaipanoa, e lē o saʻo le mea o loo ia agaʻi atu i ai. Ua lē iloa e David po o fea le vaipanoa lea ua oo i ai. Ua sesē le auala na ia uia a o alu lana faigāmalaga.

Pe ana faapea o oe o David, o le ā e te faia?

IA NOFO MA MAFAUFAU LELEI

E tele mea e mafai ona e faia:

  1. 1. Fesili i se tasi e faasino mai le auala.

  2. 2. Vaai se faafanua, pe faaaogā se masini e taʻua o le GPS.

  3. 3. Alu pea lau taavale, ma faamoemoe o le a e toe iloa le auala saʻo e tatau ona e alu ai.

Pe a fua i mea na e tolu, e leai se aogā e maua mai i le Auala lona 3.

E iai itu e sili atu ai le Auala lona 2 nai lo o le auala muamua. Auā a o faagasolo lau malaga, o loo iai iā te oe le faafanua po o se GPS, e fesoasoani iā te oe e iloa ai le auala e tatau ona e alu ai.

I se tulaga talitutusa, e mafai ona fesoasoani le Tusi Paia iā te oe.

E mafai e lenei tusi e sili ona alumia ona

  • saunia taʻiala e fesoasoani iā te oe e fesagaʻia ai faafitauli o lenei olaga

  • fesoasoani iā te oe e iloa ai le ituaiga o tagata e te iai, ma faaleleia atili ai ou uiga ma amioga

  • faailoa atu iā te oe le auala e te maua ai se olaga e sili ona lelei

 TALIINA O FESILI TĀUA E FAATATAU I LE OLAGA

O le taimi lava e amata ai ona tatou tautatala, e tatou te tuufesili.

  • Aiseā e lanu moana ai le lagi?

  • O ā mea o loo faia aʻe ai fetu?

A o faagasolo taimi, o le a amata ona tatou fesili e faatatau i le lalolagi.

Ae faapefea pe afai o loo maua uma tali i le Tusi Paia?

E toʻatele tagata ua faapea mai ua tumu le Tusi Paia i talafatu ma talatuu. Ua lē o toe aogā, pe faigatā foʻi ona malamalama i ai. Ae o le ā le faafitauli moni, o le Tusi Paia, po o mea na faalogo i ai tagata e faatatau i le Tusi Paia? Pe faamata e saʻo faamatalaga na latou faalogo i ai?

O se faataʻitaʻiga, e manatu tagata ua faapea mai le Tusi Paia o le Atua o loo pulea le lalolagi. Ae pe e moni lenā manatu? Ua matuā leaga le tulaga o lenei lalolagi. Ua tumu i tigā ma puapuaga, maʻi ma le oti, mativa ma mala. E faapefea ona faatupuina e se Atua alofa nei mea?

Pe e te fia iloa le tali? Atonu e faateʻia oe i le manatu mai i le Tusi Paia, po o ai moni o loo pulea le lalolagi.

Atonu na e mātauina o fautuaga uma o loo i lenei lomiga, e faavae mai i le Tusi Paia. Ua mautinoa e Molimau a Ieova o le Tusi Paia, o se tusi o loo iai taʻiala e mafai ona talitonuina. O le māfuaaga, ona o le Tusi Paia “e mai i le agaga o le Atua, ma e aogā e aʻoaʻo ai, e aʻoaʻi ai, e faasaʻo ai mea.” (2 Timoteo 3:16, 17) O se mea talafeagai lou iloiloina o lenei tusi mai anamuā, ae o loo aogā pea i o tatou aso.

Faitau Atili

O le ā e Faia i se Su‘esu‘ega Faale-Tusi Paia?

I le lalolagi aoao, ua lauiloa Molimau a Ieova i a latou polokalame o su‘esu‘ega faale-Tusi Paia e leai se totogi. Taga‘i i le auala e faia ai.