Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tali i Fesili e 10 a Talavou

 Fesili 3

E Faapefea Ona Ou Talanoa i Oʻu Mātua?

E Faapefea Ona Ou Talanoa i Oʻu Mātua?

MĀFUAAGA E TĀUA AI

O le lelei o la outou faiā ma ou mātua, o le sologa lelei foʻi lenā o lou olaga.

O LE Ā E TE FAIA?

Se mea e ono tupu: Ua oo nei i le afiafi o le Aso Lulu. Ua uma feʻau a Geoff o lē e 17 ona tausaga, ma ua talafeagai ona fai sana koma. Ua aapa atu ki le TV, ma saofaʻi loa i lona nofoa.

O le taimi lava lenā ua sau ai lona tamā, ma ua lē fiafia ma lana pupula.

Ua ia fai atu: “Geoff! O le ā le mea e maʻimau ai fua lou taimi e matamata lenā TV, ae lē alu e fesoasoani i meaaʻoga a le tama le la? Ua ova tele lou lē usitaʻi!”

Ae ua tomumu Geoff e faapea, “Matuā e ote soo tele.”

Ua pulatoʻa atu i ai lona tamā ma fesili atu: “O le ā lau tala?”

Ua faasesepa mata o Geoff ma tali atu, “E leai se mea.”

A ua matuā ita lava lona tamā ma fai atu iā Geoff, “Aua le malō mai faapena lou gutu.”

Pe ana faapea o oe o Geoff, o le ā e te ono faia e ʻalofia ai lea feeseeseaʻiga?

IA NOFO MA MAFAUFAU LELEI

O le auala e te fesootaʻi ai ma ou mātua, e tai pei o le aveina o se taavale. Pe a e tau atu i se mea o loo poloka ai le auala, e mafai ona e ui i se isi auala.

 O SE FAATAʻITAʻIGA:

Ua faapea mai se tamaʻitaʻi e igoa iā Leah: “O le faigatā ia ona ou talanoa i loʻu tamā. I nisi taimi, e lē umi ona ou talanoa atu i ai ae faapea mai, ʻO lenā sa fai mai sau tala?’”

E TOLU MEA E ONO MAFAI ONA FAI E LEAH.

  1. 1. Avaavau atu i lona tamā.

    Ua avaavau atu Leah: “Se faalogo mai, e tāua le mea lea ou te fai atu ai!”

  2. 2. E lē toe talanoa i lona tamā.

    Ua fiu Leah ma lē toe talanoa ai i lona tamā e faatatau i lona faafitauli.

  3. 3. Faatali mo se taimi talafeagai e toe talanoa ai i lona tamā i lenā mataupu.

    E talanoa faafesagaʻi Leah ma lona tamā i se isi taimi, pe tusi atu foʻi se tusi i lona tamā e uiga i lona faafitauli.

O lē fea auala e te fautuaina Leah e na te faia?

SEʻI FAI SE ILOILOGA: E tele mea o loo mafaufau i ai le tamā o Leah, ma o le māfuaaga lea ua ia lē iloa ai le mea e lē o fiafia ai Leah. Pe afai la e filifili e Leah le Auala 1, e ono lē malamalama lona tamā i le māfuaaga ua avaavau atu ai Leah iā te ia. O lenei auala atonu o le a lē fia faalogo mai ai lona tamā iā te ia, ma e na te lē o faaalia ai foʻi le āva ma le faaaloalo i lona tamā. (Efeso 6:2) O lea la, e leai se iʻuga lelei e maua mai i lenei auala.

E pei lava ona e lē faatagaina se mea i le auala e taofia ai lau faigāmalaga, e mafai foʻi ona e saʻilia se isi auala e fesootaʻi ai ma ou mātua

E ui e ono faigofie atu le Auala 2, ae e lē o le auala sili lea ona atamai. Aiseā? Ina ia mafai ona taulau Leah i le taulimaina o ona faafitauli, e manaʻomia ona ia talanoa atu i lona tamā. Ae ina ia mafai ona fesoasoani atu lona tamā iā te ia, e manaʻomia ona ia iloa le mea o loo tupu iā Leah. E leai se mea e mafai ona faaleleia, pe a lē talanoa Leah i lona tamā.

Ae i le Auala 3, e lē faataga e Leah le mea na tupu e taofia ai o ia mai i le taumafai e talanoa i lona tamā. O lea, e taumafai o ia e talanoa atu i lona tamā i se isi taimi. Afai foʻi e filifili Leah e faailoa atu ona faalogona i lona tamā e ala i se tusi, atonu o le a vave ona toe lelei ai ona faalogona.

Atonu e aogā foʻi lona tusia o se tusi e iloa tonu ai faamatalaga e manaʻo e fai atu i lona tamā. Pe a faitau lona tamā i le tusi, ona ia iloa ai lea o mea o loo taumafai Leah e faamatala atu. O le faia faapea, e ono fesoasoani ai i le tamā o Leah e malamalama lelei ai i lona faafitauli. O lea, e aogā le Auala 3 iā Leah ma lona tamā. E tusa pe e talanoa faafesagaʻi pe tusi atu se tusi, ae e ōgatusa le Auala 3 ma le fautuaga o loo i le Roma 14:19 ina ia “tausisi i mea e faatupu ai le filemu.”

O ā nisi auala e mafai ona fai e Leah?

Mafaufau i se auala se tasi ma tusi i lalo. Ona tusi lea i lalo o le iʻuga e ono oo i ai ona o lenā auala.

 ʻALOFIA FAAMATALAGA E LĒ MANINO

Ia manatua, e iai taimi e faapea mai ai ou mātua o loo la malamalama i lau tala, ae e lē o le uiga moni lenā o lau tala o loo e mafaufau i ai.

O SE FAATAʻITAʻIGA:

Ua fesili atu ou mātua pe aiseā ua e foliga lē fiafia ai. Ae e tali i ai, “Ou te lē o fia talanoa ai.”

Peitaʻi ua manatu ou mātua, o le uiga o lau tala: “Ou te lē talitonuina oulua e sasaa atu i ai oʻu faalogona. O le a ou talanoa i aʻu uō e uiga i loʻu faafitauli ae e lē o oulua.”

Seʻi faapea o loo e feagai ma se faafitauli faigatā ma o loo fia fesoasoani atu ou mātua iā te oe. Ae e fai atu: “Aua le popole, o lea ou te iloa le mea e fai.”

  • Atonu o le a manatu ou mātua o le uiga o lau tala o le:

  • Atonu e sili lou tali atu faapea: