Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

E te Ola e Faavavau pe a E Faalogo i le Atua

 VAEGA 3

Le Olaga Manaia i le Amataga

Le Olaga Manaia i le Amataga

Sa foaʻi atu e Ieova le tele o mea lelei iā Atamu ma Eva. Kenese 1:28

Na faia e Ieova le uluaʻi fafine o Eva, ma avatu iā Atamu e fai ma ana avā.Kenese 2:21, 22.

Na faia i laʻua e Ieova e lelei atoatoa mafaufau ma tino, ma e lē ponā.

Sa fai ma o la aiga le faatoʻaga i Etena—o se nofoaga e sili ona matagofie, sa iai vaitafe, laau e ʻaina ma meaola.

Sa aʻoaʻoina i laʻua e Ieova. Ma pe ana la faalogo iā te ia, semanū e la te ola e faavavau i le lalolagi Parataiso.

 Na fetalai le Atua e aua neʻi ʻai i se tasi o laau. Kenese 2:16, 17

Na faailoa atu e Ieova iā Atamu ma Eva se tasi o laau i le faatoʻaga e ʻaina ona fua, ma fetalai atu, e feoti i laʻua pe a aai ai.

Na fouvale se tasi o agelu i le Atua. O lenā agelu leaga o Satani le Tiapolo.

E leʻi manaʻo Satani e usiusitaʻi Atamu ma Eva iā Ieova. O lea na ia faaaogā ai se gata e taʻu atu iā Eva, afai e na te ʻaina le fua o lenā laau, e lē oti o ia, ae o le a pei o le Atua. O se matuā pepelo lava lenā mea.Kenese 3:1-5.

Faitau Atili

O le ā le Finagalo o le Atua mo le Lalolagi?

O loo faamatalaina i le Tusi Paia le māfuaaga na foafoaina ai e le Atua le lalolagi, le taimi o le a faamutaina ai puapuaga, ma le tulaga o le a iai le lalolagi i le lumanaʻi faapea i latou o le a ola ai i lenā taimi.